Fitnodatforum 15.3.: guovlluovddideami ja -márkanfievrrideami ođđa vejolašvuođat
1.3.2023
Makkár vuordámušat turismafitnodagas lea gieldda hárrái? Mo gielda ja fitnodagat sáhtášedje ovttas ovddidit guovllu ja guovllumárkanfievrrideami? Makkár áigeguovdilis sávaldagat fitnodagain leat doaibmabijuid hárrái, mat veahkehit turismma ovddideami guovllus?
Njukčamánu Fitnodatforum lea Ohcejoga turismamárkanfievrrideami ja guovlluovddideami ovddidaneahket. Ohcejoga gielda hálida cavget oktasašbarggu turismafitnodagaiguin, ja ovddidit ovttas fitnodatdoalliiguin turismamárkanfievrrideami.
Eahkeda temán leat turismma guovlluovddideami hehttehusat ja fitnodagaid ovddidandárbbut, ja maid gieldda rolla guovllu turismma ovddideamis ja ovdánahttimis. Dan lassin ságastallat dálá turismma márkanfievrrideami kanálaid birra ja maid daidda guoskevaš ovddidandárbbuid birra. Guorahallat ovttas dan, mo fitnodagaid sáhttit buktit dálá eanet ovdan kanálain, ja makkár eará turismamárkanfievrrideami doaibmabijuid dárbbašat.
Dilálašvuohta lea rabas buohkaide guovllumárkanfievrrideamis beroštuvvan olbmuide. Mii sávvat dán eahketdilálašvuhtii valjis oasseváldiid báikki ala váldostivrasálii. Dan lassin dilálašvuohta ordnejuvvo maid gáiddusin, vai nu máŋgasat go vejolaš sáhtášedje ossálastit dasa. Dilálašvuohta bistá sullii guokte diimmu.
Gielddadállu 15.3. dmu 17, guossohit káfe dmu 16.30 rájes
Almmuheamit ja diehtu sierraborramušain 8.3. rádjai antti.kastinen@utsjoki.fi.
Liekkus buresboahtin mielde! Oassálastimiin leat mielde váikkuheamen gieldda boahttevuođa guovlluovddideami ja turismamárkanfievrrideami oidnosiidda ja doaibmabijuide. Báikki alde leat eallinfápmohoavda Tanja Lepistö, turismavásttolaš Sonja Sistonen ja maid ealáhusaid ovddidanprojeavtta projeaktabargit.
Lassedieđut:
Eallinfápmohoavda Tanja Lepistö, tanja.lepisto@utsjoki.fi, tel. 040 0151 294
Dilálašvuođa ordnejit oktasašbarggus uYritys – Ohcejoga eallinfámolaš fitnodagat ja bargit -projeakta ja Ohcejoga ráhkadusnuppástusa koordinerenprojeakta.