Háleštandilálašvuohta 23.1.2024 dmu 17-20: Čáhcegáttesámiid bivdokultuvra dál ja boahttevuođas - Mo Luossaguovddáš sáhtášii veahkehit?
16.1.2024
Bovdehus háleštandilálašvuhtii
Čáhcegáttesámiid bivdokultuvra dál ja boahttevuođas – Mo Luossaguovddáš sáhtášii veahkehit?
Ohcejoga gielddastivrasáles 23.1.2024 dmu 17-20
Mii bovdet du háleštit Deanu čáhcegáttesámiid bivdokultuvrra boahttevuođas ja smiehttat vugiid dan gáhttemii ja árbedieđu sirdimii. Mii leat beroštuvvan gullat makkár sierra doaimmaide lea dárbu vai bivdokultuvra eallá ja ovdána ain boahttevuođas.
Ohcejogas lea jođus Lappi lihttu ruhtadan Ohcejoga Luossaguovddáš ovdačielggadanprošeavtta, mas ulbmilin lea suokkardit vejolaš guovddáža doaimmaid sisdoalu ja doaibmavugiid, kártet sadjedárbbu ja organisašuvdnamálle ja rehkenastit huksengoluid dárbbuid vuođul.
Luossaguovddáža bargun sáhtášii leat vurket, ealáskahttit, bajásdoallat ja ovddidit luosa bivdoárbevieruid ja ođđa ealáhusaid, mat šaddet dan vuođul. Dat sáhtášii bálvalit viidát árbedieđu hálddašeddjiid ja báikkálašservoša, skuvllaid, turismma ja gielddarájáid rasttildeaddji ovttasbarggu.
Dilálašvuohta jođihuvvo sámegillii ja tulkojuvvo suomagillii. Gáiddusoassálastin lea vejolaš ovddalgihtii almmuhan olbmuide. Háleštallandilálašvuohta lea rabas buohkaide. Dilálašvuođas lea káffeguossoheapmi ja dán váras dáhtutge almmuhit oassálastima. Bures boahtin!
Almmuheapmi (Piia Nuorgam) maŋimustá 21.1.24:
Prošeaktajođiheaddji Piia Nuorgam, Ohcejoga gielda
Tel. 040 353 9264, piia.nuorgam@utsjoki.fi
Vuollekonsulta Pentti Pieski, Finnish Consulting Group
Tel. 040 522 999, pentti@tenolle.fi
Govva: Pentti Pieski