Ohcejoga buresveadjinhoavdan válljejuvvui Pirjo Seurujärvi

Ohcejoga gielddastivra bođii dan oaivilii otná čoahkkimisttis, ahte gieldda buresveadjinhoavdda virgái válljejuvvo FM Pirjo Seurujärvi. Gielddastivra jienastii, dasgo lei guottihuvvon Pirjo Seurujärvi ja Virpi Veskoniemi. Jienastusas Pirjo Seurujärvi oaččui 12 jiena ja Virpi Veskoniemi 1 jiena. Gielddaráđđehusa evttohus ahte virgái válljejuvvošii Maarit Heinonen, ii guottihuvvon váldostivrras.

Gielddastivra čoahkkin doalai Pirjo Seurujärvi ánsun dan ahte sus lea nana hárjánupmi jođiheamis ja ahte son lea jo ásaiduvvan Ohcejohkii. Seurujärvi doibme dál Meahciráđđehusa Luonddubálvalusaid bálvaluseaiggádin, ovdal son lea bargan eará jođihan- ja hovdenbargguin Meahciráđđehusas.

– Buohkat jearahallamii bovdejuvvon olbmot ledje hui buori dego dat earátge, geat ledje beroštuvvan dán buresveadjinhoavdda barggus, muitala gielddahoavda Päivi Kontio. – Luohtán dasa, ahte váldostivra otná mearrádus lei buorre ja guoddá ain dás guhkás ovddosguvlui. Buresveadjinhoavdda bargu lea viiddis ja dasa válljejuvvon olbmos gáibiduvvo gillilvuohta ja mearrediđolašvuohta ovddidit doaibmasuorggi ovttas bargiiguin. Pirjo Seurujärvi sihkkarit deavdá dán barggu buktin gáibádusaid ja nu ilus vuorddán ovttasbarggu suinna.

Čoahkkimis gieđahallui maid earet eará Ohcejoga gieldda bázahusdáksa ášši ja gieldda oassálastin guolástusfidnui.

Lassedieđut:

Gielddastivrra ságadoalli Arto Pohjanrinne, 040 770 3986, arto.pohjanrinne@utsjoki.fi

Gielddahoavda Päivi Kontio, 040 744 7630, paivi.kontio@utsjoki.fi