Ohcejoga gielda ohcá buresveadjinhoavdda
8.3.2023
Ohcejohka ođasmuvvá ja ohcá dál buresveadjinhoavdda jođihit gieldda čuvgehusdoaibmasuorggi ja ovddidit gieldda buresbirgejumi ja gieldda olbmuid buresveadjima.
Buresveadjinhoavda jođiha gieldda čuvgehusdoaimma sihke buresveadjima ja dearvvasvuođa ovddidanbarggu. Buresveadjinhoavda vástida maid bargoveaga ja bargoburesveadjima ovddideamis ovttas gielddahoavddain. Buresveadjinhoavda doaibmá čuvgehusdoaibmasuorggi hálddahushoavdan, čuvgehuslávdegotti áššemeannudeaddjin ja son lea gieldda stivrenjoavkku lahttu.
Ohcejoga čuvgehusdoaibmasuorgái gullet oahpahusdoaibma, árramánnávuođabajásgeassin ja asttuáiggedoaibma (kultuvra, lihkadeapmi ja nuoraidbargu sihke rávesolbmuidskuvla). Lassin doaibmasuorgi vástida gieldda dearvvasvuođa ja buresveadjima ovddidanbarggus.
Mii gáibidat buresveadjinhoavddas bajit allaskuvladutkosa, jođihanhárjánumi, čuvgehus- dahje buresveadjindoaibmasuorggi dovdamuša sihke doarvái buori gielddahálddahusa ja ekonomiija dovdamuša. Atnit dehálažžan ovttasbarganmáhtu, buriid vuorrováikkuhandáidduid sihke višuvnnalašvuođa bargoveaga ovddidanbarggus. Sámegiela máhttu ja sámekultuvrra dovdamuš gehččojuvvo ohccái erenomáš ánsun.
Ohcejohka lea Suoma ja Eurohpa uniovnna davimus gielda, gos leat sullii 1200 ássi. Ohcejohka lea dovddus fiinna luonddustis ja ealli sámekultuvrrastis. Gieldda golmma giliguovddážis leat ođđa, dearvvas skuvla-máŋggadoaimmadálut sihke geasuheaddji sámelogahat.
Virgi devdojuvvo 1.5.2023 rájes dahje soahpamuša mielde. Virggi ohcanáigi nohká 27.3.2023.
Loga oppa ohcanalmmuhusa https://www.kuntarekry.fi.
Lassediehtu:
Taina Pieski
Gielddahoavda
Ohcejoga gielda
050 535 1574