Automaattinen luonnos

Ohcejoga gielda geassit 2022

Ohcejoga gieldda doaibmasajiid rabas- ja bálvalanáiggiin leat muhtun nuppástusat geasseáigge.

Dearvvasvuođabálvalusat

Ohcejoga dearvvasvuođaguovddáš geahpeda bálvalusaidis geasi áigái, ja dearvvasvuođaguovddážis dikšojuvvojit geasse-borgemánus dušše hohpolaš fáktavuorroáššit (tel. 040 181 0285).

Dearvvasvuođaguovddáža doaktára vuostáváldináiggit 4.–31.7.2022 leat oaivvilduvvon dušše vealtameahttun divššu dárbbašeaddjiide. Áigodaga áigge eai dikšojuvvo ii-hohpolaš áššit dego vuodjingoartaduođaštusat dahje jahkekontrollat. Bivdit áššehasaideamet ođadit reseapttaid áiggil sihke fuolahit dárbbašlaš dikšobiergasiid geasi áigái.

Laboratoria lea gitta 18.–29.7.2022. Laboratoriai beassá dušše várremiin áiggi vu-du dmu 12–14 (tel. 040 181 0286).

Bátnedivššohat lea gitta 4.7.–31.7.2022. Lappi gielddaid hohpolaš bátnedikšu bálvala vahkkoloahpaid ja árgabasiid dmu 9.30–12.00 oktasašfákta vuoru bokte (tel. 010 633 8330).

Gáregasnjárgga dearvvasvuođadállu lea 13.6.–31.7.2022 rabas dušše vuossárggaid. Dearvvasvuođadikšu ja buohccedikšu vuostáváldin bálvalit dušše áiggivárrehusa bokte (tel. 040 758 2076).

Muito- ja seniorrávvehat lea gitta 4.–31.7.2022.

Fysioterapevtta vuostáváldin lea gitta 10.6.–4.7.2022.

Gieldda eará doaibmasajit

Ohcejoga gielddadállu lea gitta 11.7.–31.7.2022.

Sosiáladoaimmahagas fáhte sosiálabargi telefona bokte (tel. 040 577 7045). Dan lassin sosiálafáktavuorru doibme árggaid dmu 8–16 (tel. 040 701 4440) sihke eahkedis ja vahkkoloahpaid (tel. 040 726 6965).

Ealáhusdoaimmahat ja áššiid dikšunbáiki leat gitta 23.6.–31.7.2022.

Teknihkalaš doaimmahat bálvala geasseáigge árggaid dmu 9–11 (Markku Porsanger, tel. 0400 158 561).

Čuvgehusdoaimmahat lea gitta 4.–31.7.2022, eará áigge doaimmahat bálvala árggaid dmu 9–15 (Maritta Lukkari, tel. 040 809 7466).

Asttuáigi ja kultuvra

Pedar Jalvi -girjerádju lea rabas geassit 1.6.–31.8.2022 vu-du dmu 13–18 ja be dmu 10–15. Girjerádjobiila johtá geassemánus: 8.–9.6., 22.–23.6. Girjjiid máhcahankássat leat Ohcejogas girjerájus sihke Njuorggámis ja Gáregasnjárggas gávppiid oktavuođas. Luoikkaheapmi: tel. 040 181 0261 / kirjasto@utsjoki.fi. Girjerájus sáhttá luoikkahit maiddái frisbeegolf- ja lášmmohallanbiergasiid.

Vuodjansále lea rabas geassit 6.6.–15.8.2022 vu-ga dmu 15–19, du ja lá dmu 12–16.

Ealligovvateáhter Davvenásti geasi prográmma gávdno čujuhusas www.davvenasti.fi.

Mátkkošteapmi

Turismarávven bálvala Ohcejoga gilidállu Giissás oppa geasi árggaid dmu 8–17 (tel. 040 822 8889, 040 181 0263) sihke Gáregasnjárggas gilidállu Sáivvus (tel. 040 728 6822).

Oahpásmuva maid gieldda mátkeealáhussiidduide www.exploreutsjoki.fi!

 

Buori geasi buohkaide!

Ohcejoga gielda


Eará ođđasat