Ohcejoga gielddas álget 5–11-jahkásaš riskajoavkkuide gullevaš mánáid koronaboahkuheamit
17.12.2021
Ohcejoga gielddas álget 5–11-jahkásaš riskajoavkkuide gullevaš mánáid koronaboahkuheamit.
Koronaboahkuheapmi, mii addojuvvo 5–11-jahkásaččaide lea BioNTech-Pfizer Comirnaty, mas mánáide geavahuvvo namalassii dán ahkejovkui oaivvilduvvon buvtta unnit attusin.
THL rávvagiid mielde čuovvovaš dahkkit sáhttet lasihit máná riskka oažžut duođalaš koronavirusinfekšuvnna dagahan dávdda:
- ealasirdin dahje vuođđoseallasirdin
- duođalaš immuvdnasuppressiivvalaš dikšu dahje duođalaš immunitehtaváili
- kronalaš geahpesdávddat
- oassi mánáid váibmodávddain
- kronalaš monimušdávda
- váigadis kronalaš vuoivvasdávda
- liigedeaddu, ISO-BMI unnimustá 30
- neurologalašdávddaid buohcci mánát, geaiguin leat vuoigŋanváili ja/dahje lassánan infekšuvdnahearkivuohta
- Down-syndroma
- 1. ja 2. tiippa diabetes
- ásmá, mii gáibida jeavddalaš dálkkodeami
Mánáid dávddat sáhttet lasihit koronadávdda riskka dahje koronadávdda oažžun sáhttá nuppe dáfus heajudit vuođđobuohcuvuođa dávdamearkkaid. Danin boahkuheami ávžžuhat 5–11-jahkásaš riskajoavkkuide gullevaš mánáide. Eanáš oassi bajábealde máinnašuvvon dávddain leat hui hárvenaččat, ja mánná lea dalle spesiálabuohccedivššu čuovvumis mielde.
Dearvvasvuođadikšus sáhttá diđoštallat gullágo mánná riskajovkui, seamma nummiris sáhttá várret áiggi koronaboahkuheapmái:
- Ohcejohka–Njuorggán: dearvvasvuođadikšu Elina Perttilä, tel 040 758 2073
- Gáregasnjárga: dearvvasvuođadikšu Indira Niittyvuopio, tel 040 758 2076
- sámegielat dearvvasvuođadikšu Elle Aikio, tel 040 682 2348
Jos mánná ii nagot mearridit iežas divššu hárrái ieš, boahkuhanmearrádusa dahkamii dárbbašuvvo miehtan buot fuolaheaddjiin. Dá liŋka miehtanskovvái. Mánnái muitaluvvo boahkuheami birra su ahkemuttu mielde. Máná oaivil čielggaduvvo, jos dat lea vejolaš su agi ja čálganmuttu vuođul.
Dábálamos koronaboahkuhemiid hehttehusat mánáin leat unni ja oanehisáigásaččat
Eará riikkain čoggon dieđu vuođul dábálamos hehttehusat mánáin leamašan seammasullasaččat go badjel 12-jahkásaš boahkuhuvvon olbmuin. Stuorámus oassi hehttehusain leat unni ja oanehisáigásaččat, ovdamearkka dihte boahkuhansaji ruoksán ja bohtaneapmi, feber ja oaivebávččas sihke váibasat, deahkkebávččas ja goaluheapmi.
Váldimin boahkuheami mánná sáhttá suddjet iežas ja lagasolbmuid koronavirusdávdda ovddas ja eandalii dan duođalaš dávdahámi ovddas. Vaikko mánát hárve buohccájit duođalaš koronadávdii, dávda mii gáibida buohcceviessodivššu, dávdamearkkaid bistin guhkit áigge dahje maŋŋedávddat leat maid mánáin vejolaččat.
Riskajoavkkuide gullevaš mánáid boahkuheapmi lea vejolaš dálá fámus orru koronaásahusa vuođul. Earát go riskajoavkkuide gullevaš vuollái 12-jahkásaš mánát, eai goit velá boahkuhuvvo Suomas. Nationála boahkuhanáššedovdijoavku/Kansallinen rokotusasiantuntijaryhmä (KRAR) ja THL árvvoštallet dál galggašiigo buohkaide 5-11-jahkásaččaide fállat koronaboahku. Mearrádusa boahkuhemiid birra dahket sosiála- ja dearvvasvuođaministeriija sihke stáhtaráđđi.
Koronaboahkuheapmi lea buohkaide eaktodáhtolaš ja nuvttá.
Mánáid ja nuoraid koronaboahkuhemiin sáhttá lohkat lasi THL neahttasiiddus (suomagillii).