Ohcejoga váldostivra čoahkkana bearjadaga 17.12. – čoahkkima sáhttá čuovvut njuolggosáttan Youtubes dmu 13 rájes

14.12.2021

Ohcejoga gieldda váldostivra čoahkkana bearjadaga 17.12. dmu 12 jagi maŋimuš čoahkkimii gielddadálu váldostivrasálii. Čoahkkin álgá nammačuorvumiin, man maŋŋá váldostivrra áirasat borret juovlalunšša. Aitosaš čoahkkin álgá sullii dmu 13. Čoahkkima evttohuslistui sáhttá oahpásmuvvat dákko.

Váldostivrra čoahkkimat leat buohkaide rabas. Koronaepidemiija geažil Ohcejoga gielda ávžžuha, ahte olbmot čuovošedje čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.

Čoahkkin govvejuvvo ja dan lea vejolaš geahččat njuolggosáttan gieldda Youtube-kanálas bearjadaga 17.12. sullii dmu 13 rájes (dmu 12 nammačuorvun). Čoahkkinbáddi lea oaidnimis kanálas maiddái njuolggosáddaga maŋŋá.

Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.


Eará ođđasat