Ohcejoga váldostivra čoahkkana vuossárgga 30.5. – čoahkkima sáhttá čuovvut njuolggosáttan Youtubes sullii dmu 14 rájes
27.5.2022
Ohcejoga gieldda váldostivra. Govva: Studio Borga
Ohcejoga gieldda váldostivra čoahkkimastá vuossárgga 30.5. Váldostivra mearrida earret eará gieldda eallinfápmohoavdda válljemis, sajádatlávaid nuppástusain ja lassemearreruđain diehtojuohkináššedovdi doibmii ja Gáregasnjárgga boares skuvlla saneremii. Čoahkkima olles evttohuslistui sáhttá oahpásmuvvat dákko.
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas vuossárgga 30.5. sullii dmu 14 rájes. Čoahkkinbáddi lea oaidnimis kanálas maiddái njuolggosáddaga maŋŋá. Ohcejoga gielda ávžžuha, ahte olbmot čuovošedje čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.