Ohcejogas ordnejuvvo 2.11. Eurohpa boahttevuohtaságastallama davimus dáhpáhus – Ministtar Tuppurainen boahtá gullat báikkálaš olbmuid jurdagiid EU-áššiid birra

6.10.2021

Utsjoella järjestetään 2.11. Euroopan tulevaisuuskeskustelun pohjoisin tapahtuma – Ministeri Tuppurainen saapuu kuulemaan paikallisten ajatuksia EU-asioista

Eurohpaministtar Tytti Tuppurainen rabai Eurohpa leat mii -turnea čakčamánus Narinkkatoris Helssegis. Govva: Laura Kotila / stáhtaráđi kansliija

Davimus Suomas lea skábmamánu álggus áidnalunddot dilálašvuohta beassat ságastallat EU-áššiid birra eurohpa- ja opmodatdikšunministtar Tytti Tuppuraččain.

Eurohpaministtar Tytti Tuppurainen boahtá Ohcejohkii 2.11. gullat davimus Suoma olbmuid jurdagiid sihke ságastallat sin sávaldagain, mat gusket Eurohpa boahttevuhtii. Ságastallandilálašvuohta lea buohkaide rabas ja doppe lea oaivil gieđahallat maiddái earet eará rájáid rasttildeaddji oktasašbarggu sihke dálkkádatnuppástusa váikkuhusaid sámekultuvrii ja báikkálaš ealáhusaide.

Dáhpáhus gullá stáhtaráđi Eurohpa leat mii -dáhpáhusráidui. Dáhpáhusráidu lea oassi Eurohpa boahttevuohtakonfereanssa, man ulbmilin lea čohkket viidát EU-riikkaid riikkavuložiid jurdagiid Eurohpa boahttevuođa ektui. Dáhpáhusráidui oassálastá badjel bealli suomaministariin. Ministarat johtet čavčča ja dálvvi áigge miehtá riikka gullamin suopmelaččaid sávaldagaid EU ovddideamis. Turnea stártii čakčamánus Helssegis. Sihke Eurohpa boahttevuohtakonfereanssa ja Eurohpa leat mii -dáhpáhusráiddu davimus dáhpáhus ordnejuvvo Ohcejogas.

– Turnea fállá suopmelaččaide vejolašvuođa muitalit ovdánahtti vugiin, maid sii EU:s vurdet. Lea dehálaš, ahte gullat jurdagiid nu viidát go vejolaš birra Suoma. Dát konfereanssa davimus dilálašvuohta lea dehálaš vejolašvuohta buktit ovdan EU davvi dimenšuvnna. Min eatnandieđalaš sajádat addá midjiide suopmelaččaide eahpedábálaš oaidninvuogi, man sávašii gullot konfereanssas. Sávan ahte nu máŋgasat go vejolaš oassálastet dán vejolašvuhtii juohkit jurdagiiddiset dan láhkai go sidjiide orru lunddolaš, eurohpa- ja opmodatdikšunministtar Tuppurainen muitala.

Áššit, mat ságastallamiin leat boahtán ovdan, girjejuvvojit boahttevuohtaforuma fierbmeforumii, ja suomaministarat dolvot dáid ságaid ja oainnuid boahttevuohtakonfereanssa EU-dási dievasčoahkkimiidda. Riikkavuložiid ságat ja oainnut gaskkustuvvojit nappo oassin EU-dási guorahallama das, makkár Eurohpa mii hálidat hukset.

Ohcejoga dáhpáhusa lágidit stáhtaráđi kansliija ja Ohcejoga gielda ovttas. Dáhpáhusa dárkilut prográmmas sihke dasa almmuheamis dieđihuvvo lasi maŋŋelis golggotmánus.

Lassidieđut dáhpáhusas:

Topi Juga
EU-áššedovdi
Stáhtaráđi kansliija
+358 50 407 1216
topi.juga@gov.fi

Vuokko Tieva-Niittyvuopio
Gielddahoavda
Ohcejoga gielda
+358 400 933 754
vuokko.tieva-niittyvuopio@utsjoki.fi

Lassidieđut dáhpáhusa mediaordnedemiin:

Anne Sjöholm
EU- ja riikkaidgaskasaš áššiid diehtojuohkinhoavda
Stáhtaráđi kansliija
+358 40 537 07 33
anne.sjoholm@gov.fi


Eará ođđasat