PROGRÁMMA NJUORGGÁN

Maŋŋebárga 4.7.2023 – Bearjadat 7.7.2023

dmu 12-18 Rabas uvssat dáiddagávpi ja atelje Art Miriam

Dáiddagávpi ja atelje Art Miriamis rabas uvssat kulturvahku áigge maŋŋebárggas bearjadahkii dmu 12-18! Duorastaga 6.7. fállojuvvo gáffe. Vahku áigge galledan gussiid gaskkas dáiddavuorbádeapmi. Art Miriama gávnnat čujuhusas Nuorgamintie 4275, 99990 Njuorggán.

Duorastat 6.7.2023

dmu 11.00 Vánddardeapmi Gálddoaivái

70North & Northern trails ordnejit vánddardeami Gálddoaivái. Vánddardeami álggus beasat oahpásmuvvat 70North firpmá doaibmabáikái, bálvalusaide ja láigobiergasiidda. Vánddardeami áigge fállojuvvo gáffe ja Anne Hännikäinen doallá jurddašaddanbottu. Vánddardeapmái sáhttet searvat eanemustá 12 oassálasti, guhkkodat 4 diimmu. Oassálastiin galgá leat bađavuloš, niesti ja gohppa fárus. Vánddardeapmi lea nuvttá. Vuolgga čujuhusas Pulmankijärventie 664, 99990 Njuorggán, gos lea 70North doaibmabáiki. Almmuheapmi ja lassedieđut 040 505 9080 dahje info@70north.fi.

Njuorggán skuvla (Herrakuru 18, Njuorggán)

dmu 15.00 Oahpistuvvon minigolf

Nuorgamin ikäsähly searvi oahpista speallat minigolf. Njuorggámis lea 9 ráiggát minigolfgeainnus ja speallu heive buohkaide. Minigolfgeainnus lea nuvttá ja buohkaid geavahusas. Minigolfa beassá speallat Njuorggámis goas beare ja buot spealus geavahuvvon rusttegat (časkinmuorat ja spáppat) gávdnojit geidnosis, nuba it dárbbaš maidige fárrui. Geainnus lea Njuorggán skuvlla jiekŋaskearroarenas.

dmu 16.30 Mánáid ja nuoraid sámegielat spábbačiekčandáhpáhus

Mánáide ja nuoraide oaivvilduvvon sámegielat spábbačiekčandáhpáhus Njuorggán skuvlla šilljus. Dáhpáhusas Niku Rasmus oahpaha mánáide ja nuoraide spábbačiekčama teknihká ja loahpas spillojuvvo ovttas. Lágideaddjin Sámi Siida rs ja Inergia.

Mu ráhkis ♥ Njuorggán -konsearta

dmu 18.00 Yungmiqu, Njuorggáma skuvlla lihkadansáles

Sámegillii ráppejeaddji ja Talent Suomi prográmmas 2021 šarmeren Mihkku Laiti dahjege Yungmiqu konsearta Njuorggáma skuvlla lihkadansáles. Mihkku Laiti eallimii ja musihkkabálgái sáhttá guovlalit, go geahččá Petteri Saario Revontulten räppäri -dokumeantta.

Mu ráhkis ♥ Njuorggán -konseartta áigge Ohcejoga searvegoddi doallá kafea Yhteisvastuu buorrin.

Konseartta áigge sáhtát oastit ullogávpi JÄÄRÄ ullobuktagiid.

Ohcejohkii láibbohaga vuođđudan Pieni juurileipomo lea mielde Ohcejohka Šearrá kulturvahkus Njuorggámis, Gáregasnjárggas ja Ohcejogas. Festiválaid ja Njuorggán konseartta áigge láibbohat vuovdá láibbiid ja bulláid sihke eará buktagiid. Pieni juurileipomo bovde olbmuid oahpásmuvvat láibbohaga bargiide ja buktakiidda!

prográmma gáregasnjárga

Bearjadat 7.7.2023

Mu ráhkis ♥ Gáregasnjárga -festivála

dmu 15.00 Njálla-lihkadanhállas, Biret ja Gáddjá Haarla Pieski: Hippo-dánsunbargobádji mánáide ja nuoraide

Biret ja Gáddjá Haarla Pieski ásaiga mánnávuođa Ohcejoga Dálvadasa gilážis ja álggaheigga dánsuma Norgga bealde Kárášjogas baleahttadiimmuin ja hárjehalaiga ruovttus baleahttavideoid vehkiin. Soai válbmaneigga ámmátdánsejeaddjin Suoma Našuvnnalašopera ja -baleahta Baleahttaoahppolágádusas jagis 2019. Bargobájiid ulbmilin lea fállat vejolašvuođa iskkadit dánsuma ja movttiidahttit mánáid ja nuoraid jáhkkit iežaset nieguide. Lágideaddjin Sámi Siida rs ja Pohjolan Osuuspankki.

Gilidállu Sáivvu šilljobirrasis (Ylätenontie 33 A)

dmu 16.30 Mánáid ja nuoraid sámegielat spábbačiekčandáhpáhus

Mánáide ja nuoraide oaivvilduvvon sámegielat spábbačiekčandáhpáhus, mas Niku Rasmus oahpaha mánáide ja nuoraide spábbačiekčama teknihká ja loahpas spillojuvvo ovttas. Lágideaddjin Sámi Siida rs ja Inergia.

dmu 18.00 Ohcejoga gieldda dearvvuođat

dmu 18.05 Teatteri Tie: Rieban ja garjá, ja eará eallimuitalusat, main lea oahpahus Aisoposa mielde -teáhterčájálmas

Aisopos (620-564 ovdal áigelogu álggu) duháhiid jagiid boares, juonalaš fábeldiamánttat leat áigadamos oassi olmmošsoga oktasaš máinnasárbevieru. Geahččiin ja erenomážit mánáin lea vejolašvuohta áddestallat ja jievžžadit ealliid ja stoahkat neavttáriiguin teáhterstohkosiid daid episodaid vuođul, maid leat oaidnán. Lassedieđut teáhterčájálmasas dáppe.

dmu 19.00 Yungmiqu konsearta

Sámegillii ráppejeaddji ja Talent Suomi prográmmas 2021 šarmeren Mihkku Laiti dahjege Yungmiqu konsearta. Mihkku Laiti eallimii ja musihkkabálgái sáhttá guovlalit, go geahččá Petteri Saario Revontulten räppäri -dokumeantta.

dmu 20.00 Jalvvi Niillas luohtekonsearta 

Dáiddár Jalvvi Niillas (Holmberg) doalvu guldaleaddjiid johkafatnasii. Son juoigá sohkaluđiidis, doložiid Deatnogáttis. Dát luođit muitalit ráhkisvuođas, bárttiin ja vaikke guđelágan fearániin. Dasa lassin lea son maid bidjan luđiid dálá olbmuide Deanu guovllus, ja daid beassat maid gullat.

Mu ráhkis ♥ Gáregasnjárga -festivála áigge lea vejolašvuohta oahpásmuvvat Gilidállu Sáivvus báikkálaš dáiddára čájáhussii ja gilidálu doaimmaide. Gilisearvi doallá báikki alde festiválakafea.

Ohcejohkii láibbohaga vuođđudan Pieni juurileipomo lea mielde Ohcejohka Šearrá kulturvahkus Njuorggámis, Gáregasnjárggas ja Ohcejogas. Festiválaid ja Njuorggán konseartta áigge láibbohat vuovdá láibbiid ja bulláid sihke eará buktagiid. Pieni juurileipomo bovde olbmuid oahpásmuvvat láibbohaga bargiide ja buktakiidda!

dmu 22 rájes EDM eahket Hansa-barás

Hotel Guossi Hansa-bára lea rabas dmu 22-04. Báras EDM (electronic dance music) eahket. Sisabeassanmáksu 5 euro. Ylätenontie 32, Gáregasnjárga.

Lávvardat 8.7.2023

dmu 24 Acoustic World Hansa-báras

Hotel Guossi Hansa-báras loaiddasta Acoustic World. Prográmmas rock- ja pop-klassihkkarat sierra jagiin. Artista álggaha s. dmu 24, muhto bára lea rabas jo dmu 22 rájes. Sisabeassanmáksu 15 euro. Ylätenontie 32, Gáregasnjárga.

prográmma ohcejohka

Vuossárga 3.7.2023

dmu 17.00 Máttut čuovgagovvačájáhusa rahpandoalut

Ohcejohka Šearrá kulturvahku áigge Ohcejoga oaivegirjerájus oaidninláhkái Sámemusea Siidda Máttut čuovgagovvačájáhus girjeráju rabasáiggiin. Čájáhusa rahpandoalut vuossárgga dmu 17.00. Bures boahtin oahpásmuvvat čájáhussii ja gáfestallat! Lassedieđut čájáhusas dáppe.

Maŋŋebárga 4.7.2023

dmu 18.00 Ohcejoga olgoálšasále rahpandoalut

Mu ráhkis ♥ Ohcejohka -festivála

Gieddemiellis (Nuorgamintie 1)

dmu 10.00 Ohcejohka Beach Volley gilvvut 

Utsjoen Kuohu valástallansearvvi ordnen gáddespábbadoaškungilvvut Gieddemielli birrasa gáddespábbadoaškungiettis. Loga gilvvuid birra eambbo dáppe.

dmu 15.00 Ohcejoga gieldda dearvvuođat

dmu 15.05 Inger-Mari Aikio: Diktaboddu

Diktačálli Ima, Inger-Mari Aikio, divttat málejit sániiguin bottožiid, mat boktet dovdduid ja jurdagiid. Olmmoš beassá smiehtastit, ahte ammames nie maid sáhttá. Vaikko eallimis leat muhtimin oalle duođalaš vásáhusat, liikki vuolde boagustit jo ođđa ilut. Ima ássá Buolbmatjávrris ja lea čállán oktiibuot 12 girjji.

15.20 Laura Tapiola: Máttuid árdna -juoigankonsearta

Luođit leat Laura soga luođit, maid son gávnnai vahágis. Luođit leat dego máttuid čihkkojuvvon ártnat, mat čatnet sohkabuolvvaid oktii. Luđiid mielde čuojaheaba Erke Eriksen ja Jouna Raudasoja.

16.00 Ánnámáret: Nieguid duovdagat -konsearta

Konsearta lea musihka ja lihkadeaddji gova ovttastahtti oppalašvuohta, mas Ánnámáreha, dahjege Njuorggámis bargi sámemusihkar Anna Näkkäläjärvi-Länsmana luođit láidestit guldaleaddjiid nieguid duoddariidda. Dáiddaduodji ovttastahttá roahkkadit ođđa ja boares temáid, muhto seailluha seammás luohteárbevieru mihtilmasvuođaid. Ánnámáreha luohti, Ilkka Heinosa čuojahan dološ suopmelaš álbmotčuojanasa juovkagándila ja Turkka Inkilä jáhpanlaš shakuhachi-flöitta jienat čudjet oktii elektronalaš musihkain ja Marja Viitahuhta videoid duovdagiiguin.

17.00 Teatteri Tie: Rieban ja garjá, ja eará eallimuitalusat, main lea oahpahus Aisoposa mielde -teáhterčájálmas -teáhterčájálmas

Aisopos (620-564 ovdal áigelogu álggu) duháhiid jagiid boares, juonalaš fábeldiamánttat leat áigadamos oassi olmmošsoga oktasaš máinnasárbevieru. Geahččiin ja erenomážit mánáin lea vejolašvuohta áddestallat ja jievžžadit ealliid ja stoahkat neavttáriiguin teáhterstohkosiid daid episodaid vuođul, maid leat oaidnán. Lassedieđuid teáhteris gávnnat dáppe.

18.00 AMOC x Ailu Valle konsearta

AMOC ja Ailu Valle loaiddasteaba ovttas Trio Boogiemen -joavkkuin ja dahket ná intensiivvalaš lávdeshow, mas sihke rap- ja heavy-hervvošeaddjit besset návddašit. Konsearttas gullat bihtáid AMOC ja Ailu boahttevaš oktasaš álbumis ja dieđusge boares klassihkkáriid. Gitáras Oula Guttorm, bassos Juho Kiviniemi ja rumbbuin Patrik Fält.

dmu 20.00 Inger-Mari Aikio: Diktaboddu

Diktačálli Ima, Inger-Mari Aikio, divttat málejit sániiguin bottožiid, mat boktet dovdduid ja jurdagiid. Olmmoš beassá smiehtastit, ahte ammames nie maid sáhttá. Vaikko eallimis leat muhtimin oalle duođalaš vásáhusat, liikki vuolde boagustit jo ođđa ilut. Ima ássá Buolbmatjávrris ja lea čállán oktiibuot 12 girjji.

dmu 20.15 Guovssahasaid ráppár dokumeantafilbma

Gieddemielli muhttašuvvá olgoáibmoealligovvateáhterin! Petteri Saario bagadallan Guovssahasaid ráppár dokumeantafilbma lea oaidnin láhkai nuvttá. Ealligovva muitala ohcejohkalaš ráppár Mihkku Laiti eallimis. Ealligovas čuvvot Laiti eallima Ohcejogas dalle, go son oassálasttii Talent-gilvui ja finastii loaiddasteamen stuorra lávddi alde. Seammás son eallá goit dábálaš nuorra badjeolbmo árgga ja guorahallá, maid son áigu boahttevuođas. Ordnejeaddjin Sámedikki filbmaguovddáš Skábma.

22.00 DJ Sunna Maaret: Ijahis ija dánsunklubba

Maŋŋit eahket lea vuorus Gieddemiellis duođalaš ijahis ija dánsunklubba, go sápmelaš DJ Sunna Maaret čuojaha dán bottu buoremus bihtáid!

Mu ráhkis ♥ Ohcejohka -festivála áigge Utsjoen Kuohu doallá Gieddemiellis festiválakafea ja Annukan Grilli vuovdá steikejuvvon máivviid ja bánnogáhkuid.

Festivála áigge sáhtát oastit Jonna Anelma, Haraldin paja ja Mucca designa čiŋaid, Hiihtopaketti.fi buktagiid sihke ullogávpi JÄÄRÄ ullobuktagiid.

Ohcejoga searvegoddi doallá festivála áigge gáhkkuvuorbádeami Yheisvastuu buorrin.

Sáhtát oahpásmuvvat báikki álde Sámi Siidda searvvi doaimmaide.

Ohcejohkii láibbohaga vuođđudan Pieni juurileipomo lea mielde Ohcejohka Šearrá kulturvahkus Njuorggámis, Gáregasnjárggas ja Ohcejogas. Festiválaid ja Njuorggán konseartta áigge láibbohat vuovdá láibbiid ja bulláid sihke eará buktagiid. Pieni juurileipomo bovde olbmuid oahpásmuvvat láibbohaga bargiide ja buktakiidda!

dmu 23.30  BroadRoad, Hotel Utsjoki

BroadRoad čuojaha Hotel Utsjokis, vuollegierddis karaoke bearjadagas lávvardahkii.

MÁRKANAT OHCEJOGA šEARRÁS

Mu ráhkis Ohcejohka festiválas maid márkanat! Gávnnat márkaniin ee. čiŋaid, ullobuktagiid, valástallanbiktasiid sihke njálgga borramuša.

Mielde festiválas leat:

Jonna Anelma:

Čáppa finer- ja silbačiŋat silbalávggastagain. Čiŋat čatnasit lundui ja buktet geavaheaddjái binnáš dan ráfi, ilu ja lihku, maid duojár ieš fitne duoddaris, Jiekŋamearas ja duoddara šattuin.

Haraldin paja:

Davvi-Lappis duddjon áidnalunddot silbačiŋat jagis 2007. Čiŋaid inspirašuvdnan lea luondu ja boares, historjjálaš hámiid buktin dálá áigái. Haraldin paja čiŋat duddjojuvvo eanemustá jo oktii geavahuvvon silbbas ja buot materiálaid siidobuktagat geavahuvvo ođđasit dahje suddaduvvo ođđa čikŋan.

Mucca Design:

Čiŋat, maid vuođđu lea Anára duottarbiekkain, fiinna luonddus ja elliin sihke duojára iežas máddegárjil ruohttasiin. Čiŋain geavahuvvo eandaliige jo oktii geavahuvvon materiálat.

Ami Avellán Jewellery:

Ami Avellán Jewellery, silbačiŋat Anáris. Ráhkaduvvon ráhkisvuođain jo badjel 25 jagi áššedovdamuššan. Ami Avellán ja ohcan diđolaččat earálágán olgguldashámi silbbaide. Inspirašuvdnan lea boares filigránateknihkká. Detálljat šerret dego buolašbeaivi bihci. Avellán duddjo buot čiŋaid Anáris. Silba lea jo oktii geavahuvvon 925 Sterling Silver.

Villapuoti Jäärä:

Suomasávzza ullus duddjon ja duhppehuvvon ullobuktagat. Duojit vuovdimassii maid Njuorggáma konsearttas 6.7.

Hiihtopaketti.fi:  

Sierralágán geasi valástallanbuktagat, mielde ee. meahcceviehkangápmagat, jáhkat ja valástallanlásat. Vejolašvuohta maid ságastallat boahtte dálvvi sabehiin. Dan lassin dáhpáhusas lea vejolašvuohta testet rullasabehiid, iežas čuoigangápmagat ja soappit mielde.

Utsjoen Kuohu:

Festiválakafeas gáffe ja teadja, gáhkut, sáltečuovža- ja suovvasealgaláibbit, bruvssat ja čázit. Kafeas sáhttá oastit maid Ohcejohka Šearrá gákkásseahka 12 euron.

Annukan Grilli:

Vuovdá ee. muurikkan steikejuvvon máivvit ja bánnogáhkut.

Pieni juurileipomo:

Dáigeruohttasii láibojuvvon láibbit, bullát ja eará herskot. Pieni juurileipomo lea mielde maid konsearttas duorastaga 6.7. ja Gáregasnjárgga festiválas bearjadaga 7.7.

Ohcejoga searvegoddi: 

Gáhkkovuorbádeapmi Yhteisvastuu buorrin. Lassin kafea Njuorggán konsearttas duorastaga 6.7.

BOAHTINRÁVVAGAT JA EARÁ RÁVVAGAT DÁHPÁHUSGUSSIIDE

Buot Utsjoen Lumo – Ohcejohka šearrá -kulturvahku dáhpáhusat leat nuvttá ja rabas buohkaide, jos dáhpáhusgovvádusas ii nuppeláhkai máinnašuvvo. Amma válddát vuhtii maiddái dan, ahte min dáhpáhusain ja festiválabirrasis ii oaččo geavahit gárrenávdnasiid.

Njuorggán:

Mu ráhkis ♥ Njuorggán -konsearta lágiduvvo Njuorggáma skuvlla lihkadansáles (Herrakuru 18, Njuorggán). Biillaid sáhttá parkeret skuvlla šilju parkerenbáikái.

Gáregasnjárga:

Mu ráhkis ♥ Gáregasnjárga -festivála lágiduvvo Gáregasnjárgga gilidállu Sáivvu šilljobirrasis (Badjedeanugeaidnu 33a, Gáregasnjárga). Biillaid sáhttá parkeret gilidálu šilljobirrasii.

Ohcejohka:

Mu ráhkis ♥ Ohcejohka -festivála lágiduvvo Ohcejoga gilis Gieddemiellis (Njuorggángeaidnu 1, Ohcejohka). Gieddemiellis lea muhtun veardde parkerensadji biillaid várás. Biillaid sáhttá maid parkeret Ohcejoga gielddadálu parkerenbáikái (Luossa 1a) dahje Ohcejoga searvegottedálu parkerenbáikái (Deanugeaidnu 1).

Govva Ohcejoga parkerenbáikkiin: