USA Suoma ambassáda lea juolludan Ohcejoga gildii ruhtadeami eamiálbmogiid dárbbuin vuolgi spealloovddidanbargobájiide

23.11.2022

USA Suoma ambassáda lea juolludan Ohcejoga gildii ruhtadeami eamiálbmogiid dárbbuin vuolgi spealloovddidanbargobájiide, mat ordnejuvvojit giđa 2023 áigge. Bargobájiid ollašuhttimis vástida kanadalaš Skins, mas lea guhkes hárjánupmi erenomážit eamiálbmogiidda gullevaš nuoraid fámuiduhttimis spealuid ráhkadeami bokte.

Giđa bargobájiid ráidu fállá áidnalunddot dilálašvuođa oahpásmuvvat eamiálbmogiid dárbbuin vuolgi spealloplánemii. Eaŋgalsgielat bargobájit lágiduvvojit gáiddusoktavuođain ovttas Ohcejoga gielddain. Bargobájit leat oaivvilduvvon vuosttas sajis ohcejohkalaš nuoraide, muhto maiddái earáahkásaččat leat buresboahtin, jos fal lea sadji.

Lassediehtu earet eará almmuheami birra boahtá lagašáiggiid. Loga maid Yle Sámi sámegiel ođđasa áššis.

Lassedieđuid addá Outi Laitiouti.laiti@utsjoki.fi.


Eará ođđasat