Váldostivra válljii Ohcejoga buresveadjinhoavdan Päivi Kontio
27.4.2023
Päivi Kontio / Govva: Minna Saastamoinen
Ohcejoga váldostivra mearridii duorastaga 27.4. čoahkkimisttis válljet gieldda ođđa buresveadjinhoavdan hálddahusdiehtagiid magisttar Päivi Kontio. Gielddaráđđehus lei evttohan váldostivrii Kontio válljema su skuvlejumi, bargovásáhusa, gelbbolašvuođa ja jearahallama vuođul dahkkojuvvon oppalaš árvvoštallama vuođul. Kontio lea doaibman Ohcejogas árat dikšunbarggu hoavdan ja vd. vuođđodorvohoavdan sullii vihtta jagi.
Buresveadjinhoavdda virgi lea ođđa Ohcejoga gielddas. Buresveadjinhoavda jođiha gieldda čuvgehusdoaimma ja dasa lassin buresveadjima ja dearvvasvuođa ovddidanbarggu. Buresveadjinhoavda vástida maiddái bargoveaga ja bargoburesveadjima ovddideamis gielddahoavdda doarjjan. Buresveadjinhoavda doaibmá čuvgehusdoaibmasuorggi hálddahushoavdan, čuvgehuslávdegotti ovdanbuktin ja gieldda jođihanjoavkku lahttun.
Virgái bohte mearreáiggis čieža ohcamuša. Gielddaráđđehus válljii ohcanáššegirjjiid ja gelbbolašvuođagáibádusaid vuođul jearahallamiidda guokte ohcci, hálddahusdiehtagiid magisttar Päivi Kontio ja filosofiija magisttar Kaisa Tapiola-Länsman. Tapiola-Länsman goittotge gesii ohcamušas maŋŋelabbos eret.
Päivi Kontio álggaha virggis 1.5.
Váldostivrra čoahkkima olles beavdegirjji sáhttá lohkat dárkkisteami maŋŋá min neahttasiiddus.
Lassedieđut:
Uula Tapiola
Váldostivrra ságadoalli
+358 400 902 840
Taina Pieski
Gielddahoavda
+358 50 535 1574