5–11-jahkásaš mánáid koronaboahkuheamit Ohcejoga gielddas
14.1.2022
Ohcejoga gielddas fállojuvvojit koronaboahkut 5–11-jahkásaš mánáide. Koronaboahkuheapmi, mii addojuvvo 5–11-jahkásaččaide, lea BioNTech-Pfizer Comirnaty, mas mánáide geavahuvvo namalassii dán ahkejovkui oaivvilduvvon buvtta unnit attusin.
Buot 5–11-jahkásaš mánáid fuolaheaddjiide lea almmuhuvvon boahkuhanvejolašvuođas. Jos mánná ii leat vel ožžon koronaboahkuid, sáhttá dearvvasvuođadikšuin diđoštallat áiggi boahkuheapmái:
- Ohcejohka–Njuorggán: dearvvasvuođadikšu Elle Aikio, tel. 040 682 2348
- Gáregasnjárga: dearvvasvuođadikšu Indira Niittyvuopio, tel. 040 758 2076
Mánáid boahkuheapmái gáibiduvvo miehtan guktuid vánhemiin. Sáhtát printet miehtanskovi dákko.
Mánnái muitaluvvo boahkuheami birra su agi mielde. Máná oaivil čielggaduvvo, jos dat lea vejolaš su agi ja čálganmuttu vuođul.
Koronaboahkuhemiid dábálamos hehttehusat mánáin leat unnit ja oanehisáigásaččat
Eará riikkain čoggon dieđu vuođul dábálamos hehttehusat mánáin leamašan seammasullasaččat go badjel 12-jahkásaš boahkuhuvvon olbmuin. Stuorámus oassi hehttehusain leat unnit ja oanehisáigásaččat, ovdamearkka dihte boahkuhansaji ruoksán ja bohtaneapmi, feber ja oaivebávččas ja váibasat, deahkkebávččas ja goaluheapmi.
Boahkuhemiin mánná sáhttá suddjet iežas ja lagasolbmuid koronavirusdávddas ja eandalii dan duođalaš dávdahámis. Vaikko mánát hárve buohccájit duođalaš koronadávdii, dávda mii gáibida buohcceviessodivššu, dávdamearkkaid bistin guhkit áigge dahje maŋŋedávddat leat maid mánáin vejolaččat.
Koronaboahkuheapmi lea buohkaide eaktodáhtolaš ja nuvttá.
Mánáid ja nuoraid koronaboahkuhemiin sáhttá lohkat lasi THL neahttasiiddus (suomagillii).