Astoáiggedoaibma ohcá riekkesjođiheaddjiid čavčča ja giđa riekkesdoaimmaide
27.06.2022
Lappi AVI:s 28 000 € ruhtadeapmi riekkesdoaimma ordnemii
Ohcejoga gieldda astoáiggedoaimma Harrastamisesta virtaa 2 -fidnu lea ožžon Lappi Guovlohálddahusvirgedoaimmahagas 28 000 € veahkkeruđa riekkesdoaimma ordnemii mánáide ja nuoraide Harrastamisen Suomen malli -doaibmamálle mielde. Veahkkeruđain lea vejolaš gokčat 80 % fitnu goluin. Riekkesdoaibma lea oaivvilduvvon vuolle- ja badjedási oahppiide ja ordnejuvvo skuvlabeivviid oktavuođas/maŋŋá.
Čavčča ja giđa riekkesdoaibma
Skuvllaid oahpaheaddjit čohkkejedje giđđat 2022 oahppiid sávaldagaid boahttevaš riekkesdoaibman. Fitnu riekkesdoaibmafálaldat lea válljejuvvon nu, ahte dat čuovvu nannosit oahppiid sávaldagaid. Rieggát ordnejuvvojit lohkanjagi 2022-2023 oktiibuot 8.
Gáregasnjárga Ohcejohka Njuorggán
Báhčinriekkis Akrobatiija- ja parkourriekkis Akrobatiija- ja parkourriekkis
Gikcun-ráigespábbariekkis Nerf-boffenriekkis Goahkka-vuojadanriekkis
Duodjeriekkis Máinnastanriekkis
Riekkesjođiheaddji báikkit rabas
Astoáiggedoaibma ohcá golbma riekkesjođiheaddji.
- Gáregasnjárgga duodjerieggá jođiheaddji (2 h vahkkus)
- Ohcejoga máinnastanrieggá jođiheaddji (1 h vahkkus)
- Njuorggána goahkkarieggá jođiheaddji (1,5 h vahkkus, juohke nuppi vahku)
Gáregasnjárgga duodjerieggá jođiheaddjin doaivut báikkiolbmo, guhte máhttá duddjot garra dahje dipmadujiid. Sámegieldáidu gehččo erenomáš ánsun. Du bargun lea bargat sámedujiid ovttas mánáiguin ja nuoraiguin. Sáhtát ieš plánet duodjerieggá dárkilut sisdoalu ja geaidda riekkis lea oaivvilduvvon. Materiálaid oaččut astoáiggedoaimmas. Riekkis ordnejuvvo Gáregasnjárgga skuvlla giehtaduodjeluohkás.
Ohcejoga máinnastanrieggái doaivut báikkiolbmo, guhte dovdá báikkálaš máinnastanvieru. Sámegieldáidu gehččo erenomáš ánsun. Du bargun lea juohkit mánáide/nuoraide Ohcejot guovllu ja Deanuleagi máidnasiid ja háleštit máidnasiid birra mánáiguin/nuoraiguin. Sáhttibehtet ovttas maiddái hutkat ođđa máidnasiid! Oaččut ieš plánet rieggá dárkilut sisdoalu ja geaidda riekkis lea oaivvilduvvon. Riekkis ordnejuvvo Ohcejoga girjerájus, gos leat geavahan láhkai maiddái girjeráju viiddis girječoakkáldat.
Njuorggána goahkkarieggái doaivut njuorggánlaš jođiheaddji, geas gávdno hygieniapássa. Sámegieldáidu ja báikkálaš borramušvieruid dovdan gehččo erenomáš ánsun. Du bargun lea plánet ja gohkket mállásiid ovttas mánáiguin. Rieggás dus lea maiddái báikkálaš nuorra veahkkejođiheaddjin. Oaččut astoáiggedoaimmas borramušgálvvuid rieggá várás. Oaččut ieš plánet rieggá dárkilut sisdoalu ja geaidda riekkis lea oaivvilduvvon. Riekkis ordnejuvvo Njuorggán skuvlla dállodoalloluohkás.
Riekkesjođiheaddjiid bálká lea rieggá mielde 25-30 €/h.
Rieggáid álggaheapmi áramusat 15.8. álgi vahkkus. Rieggáid dárkilut áiggiid sáhttá soahpat sierra.
Sádde friija ohcamuša astoáiggečállái Janne Mustosii maŋimuštá 30.7.2022. Báikkiid deavdit dalán go heivvolaš olbmot gávdnojit.
Friija ohcamušat ja lassedieđut:
Janne Mustonen
vs. astoáiggečálli
0400 319 852