Gulahus: Europarlameantaválggat jagi 2024

Suomas doaimmahuvvojit europarlameantaválggat sotnabeaivve 9.6.2024.

Digi- ja álbmotdiehtodoaimmahat ráhkada almmuhankoartta juohke jietnavuoigatvuođaregistarii merkejuvvon olbmos ja sádde dan maŋimustá 16.5.2024 buohkaide daidda jietnavuoigadahtton olbmuide, geaid čujuhus lea dieđus. Jietnavuoigatvuođaregistara dieđut leat oaidnin láhkai, ja daid fidne nuvttá Digi- ja álbmotdiehtodoaimmahaga meroštallan báikkiin 29.4.2024 rájes. Olmmoš, guhte oaivvilda, ahte son lea vuoigatvuođaheamit guđđojuvvon eret jietnavuoigatvuođaregistaris dahje su guoskevaš merkejupmi, ovdamearkka dihte jienastanguovlu lea boastut, sáhttá gáibidit dieđu divvuma digi- ja álbmotdiehtodoaimmahagas maŋimustá 24.5.2024 dii. 16.00. Jietnavuoigatvuođaregisttar oažžu láhkafámu 28.5.2024 dii 12.00 rájes.

Jietnavuoigadahtton sáhttá jienastit ovddalgihtii man beare almmolaš ovdajienastanbáikkis ruovtturiikkas dahje olgoriikkas. Ovdajienasteapmi ruovtturiikkas lágiduvvo 29.5.-4.6.2024. Válgabeaivve jietnavuoigadahtton oažžu jienastit dušše dan jienastanbáikkis, mii lea merkejuvvon jietnavuoigatvuođaregistarii ja jienasteaddjái sáddejuvvon almmuhankortii.

Jienasteaddji lea geatnegas čájehit válgadoaibmaolbmui čilgehusa identitehtastis. Identitehta gávnnaheapmin jienasteaddji galgá čájehit fámolaš persovdnakoartta, pássa, vuodjinkoartta dahje govalaš Kela-koartta. Dárbbu mielde boleslágádusas oažžu nuvttá gaskaboddosaš persovdnakoartta jienasteami várás.

gaskavahku 29.5.2024 dii. 12.00-17.00

duorastaga 30.5.2024 dii. 12.00-17.00

maŋŋebárgga 4.6.2024 dii. 10.00-14.00

bearjadaga 31.5.2024 dii. 15.00-19.00

lávvordaga 1.6.2024 dii. 10.00-14.00

vuossárgga 3.6.2024 dii. 15.00-19.00

Lágádusjienasteapmi ordnejuvvo 30.5.2024 dii. 9.00-10.30 Ohcejoga rabasbálvalanguovddážis.

Ovdajienasteapmái, mii dáhpáhuvvá ruovttus, sáhttá iežas almmuhit olmmoš, gean lihkadan- dahje doaibmannávccat leat hedjonan dan muddui, ahte son ii beasa jienastan- dahje ovdajienastanbáikái almmá govttohis váttisvuođaid. Oapmahašdikšu, guhte orru seamma dállodoalus ruoktojienasteapmái vuoigadahtton olbmuin, sáhttá jienastit ruoktojienasteami oktavuođas. Ruoktojienasteapmi lágiduvvo soahpamuša mielde 29.5.-4.6.2024. Ruoktojienasteamis galgá dahkat almmuhusa čálalaččat dahje telefovnna bokte gieldda guovddášválgalávdegoddái maŋimustá 28.5.2024 ovdal dii.16.00 čujuhusain Utsjoen kunta, keskusvaalilautakunta, PL 41, 99981 Utsjoki dahje telefovnna bokte 040-1810 267/ Minna Lukkari dahje 040-181 0269/Raija Lehmonen.

Válggaid áigge jietnavuoigadahtton olbmot, geat ásset dahje orrot olgoriikkain, sáhttet jienastit olgoriikkas reivvejienasteami bokte.

Jienastanbáikkit europarlameantaválggain leat jienastanguovlluid mielde dát:

002 Vuovdaguoika Gáregasnjárgga máŋggadoaimmadállu

003 Girkosiida Ohcejoga gielddadállu

004 Njuorggán Njuorggáma máŋggadoaimmadállu

Ohcejogas 13.5.2024

OHCEJOGA GUOVDDÁŠVÁLGALÁVDEGODDI