Fitnodatdoallit čoahkkanedje fitnodatforumis: ovttas ođđa guvlui Ohcejogas

Čovdosa gávdnan ja oktasaš figgamuš juksanáigumuššan

Ohcejogas čakčamánu vuosttas beaivve Yhteistyössä on voimaa! Ovttasbarggus lea fápmu− -temáin lágiduvvon fitnodatforum čohkkii báikki ala logemađe ohcejohkalaš fitnodatdoalliid. Dákkár vuosttas fitnodatforum lágiduvvui vuosttas geardde, ja doaibmanmálle lea ulbmil stáđásmahttit bissovaš oassin Ohcejoga ođasmuvvi eallinfápmobálvalusaid, nu fitnodatdoalliid gaskanas, go fitnodatdoalliid ja gieldda gaskasaš gulahallama doarjut. Dilálašvuohta lágiduvvui oassin uYritys – Utsjoen elinvoimaiset yritykset ja henkilöstö/Ohcejoga eallinfámolaš fitnodagat ja bargit -projeavtta.

Gielddahoavda Taina Pieski buvttii ovdan álggahussániin, man dehalaš gieldda ja fitnodatdoalliid lea dál ovttas suokkardit dan, maid sáhtášii dahkat ovttas eanet ja buorebut. Ođđa áigi  lea dál vealtameahttumit álgimin, go luossabivddu ja korona mielddis buktin hástalusat geahččaladdet nu gieldda go fitnodatbargguge. Dál dárbbašat fitnodatdoalliid doarju ealáhuspolitihkalaš jurddašeami ja doaimmaid, ja erenoamážit váttisvuođaid logahallama sadjái berret gávdnat čovdosiid daidda. Pieski deattuhii, ahte smávva gielddas buot ovdánahttin gáibida nana ovttasbarggu, oktasaš figgamuša ja buorre meinnet bargat, ja son gielddahoavdan maid háliida addit buot doarjaga dása.

Čovdosa gávdnan lea okta dehalamos bargoneavvu deattuhii maid Tanja Lepistö dearvvahanságastis, mas son muitalii mii lea eallinfápmohoavdda rolla eallinvuoimmi doarju čovdosiid ovdánahttimis.  Lepistö bajidii das oktan ovdamearkan fitnodatdoalliide oaivvilduvvon  projeavttaid, mat leat dál jođus. Fitnodatdoalliid gaskkas fuomášuvvon projeavttaid valji sadjái Lepistö ávžžuhii jurddašit projeaktabarggu mávssolaš, gildii fitnašuvvan resursan, mii fállá čehppodaga, skuvlejumi ja ovddidanbarggu guovllu eallinvuoimmi ovdánahttimii. Lepistö buvttii ovdan maid eallinfápmobálvalusaid rolla gielddas ja deattuhii, ahte gieldda eallinfápmobálvalusat berrejit earet fállat lágas mearriduvvon bálvalusaid de maid doarjut gieldda oppalaš guoibmáivuođa ja bisuhanfámu.

Mikko Pesonen Oulu Business Networks:is buvttii ovdan iežas fitnodatovdánahttinbargui gullevaš sáhkavuorus oktavuođaid čatnama ja ovttasbarggu vejolašvuođaid ja vugiid. Son deattuhii, ahte fitnodatdoalliin alddes lea gitta dat, makkár ovttasbargu buoremusat bálvala fitnodatdoalliid –  fitnodatdoallit ieža leat das buoremus áššedovdit. Buoremus ovttasbargu badjána dávjá lunddolaš oktavuođaid bokte, ja šaddá gulul fitnodatdoaibmama doarju doaibmanvuohkin. Pesonen muittuhii, ahte dattege ollu addá maid oktavuođaid čatnan badjel doaibmasurggiid, ja maid iežas doaibmasuorggi siste, balakeahttá das ahte gilvu šaddá garrasabbon. Buoremus dáhpáhusas oktavuođaid čatnan fállá áidnalunddot veardásašoahppama, mii vuođđuduvvá vásáhussii – ovdamearkka dihte das, maid eará fitnodagat dahket nuppe láhkai menestuvvama ovdii.

Pesosa sáhkavuorru maid movttiidahtii  fitnodatdoalliid mielde ságastallamii. Suokkardalaimet ovttas dan, makkár eastagat dahje hástalusat ovttasbargui dál leat Ohcejogas, ja makkár áššiin fitnodatdoallit oidnet konkrehtalaš ovttasbarggu vejolašvuođaid. Guhkes gaskkaid oidne oktan ovttasbarggu váttásmahtti dahkkin, ja eará ovdan boahtán áššit, mat gohcet ovttasbarggu, guske earet eará rabas gulahallama gáibádusaid, ovdamearkka dihte almmá ovddit buolvvaid duogážis boahtti čatnosiid haga. Fuomášuvvui, mo buohkat ávkašuvašedje ovttasbarggu dahkamis, ja ahte nuppástus galgá vuolgit fitnodatdoallis alddes. Gávnnahuvvui, ahte ovttasbargu mii doibme buoremusat, lea dávjá šaddan lunddolaččat, muhto nuppe dáfus suokkardallui, ahte iešge sáhttá leat eanet aktiivvalaš ođđa ovttasbargovejolašvuođaid ektui. Ovttas bargan kultuvra máinnašuvvui leat Ohcejogas oalle álggus, ja oktasaš  figgamuša juksan gávnnahuvvui leat dehalamos ovttasbarggu ovdánahtti vuolggasadji.  Oktasaš girdingieddesáhtut badjánii oktasaš figgamušas boahtti ovddos doalvu temán, ja lea maid buorre ovdamearka das, ahte ovttasbargu lea bargu oktasaš mihttomeriid fitnašuvvama dihte.

Ođđa Ohcejoga guvlui

Eahket movttiidahtii báikki alde olbmuid suokkardallat maid oppalaččat Ohcejoga brándamiellagova ja dan mii mearkkašumiid guovllu geasuhanfámus lea fitnodatbargui. Ságastallan laktása maid ođasmuvvi gielddastrategiijai, man ođasmahttinbargu beassá viimmatge čakčat fártii, ja gárvvásmuvvá boahtte giđa. Gielddastrategiija doibme maid ođđa bránda geađgejuolgin, ja ášši viidásut oppalašgova čielggasmahttima doarjjan. Maid gieldalaččat váldojit mielde gielddastrategiija ovdánahttinbargui, ja dat doalvu oppa Ohcejoga dohko maid háliidat ovttas leat.

Birrajagáš turismma ovdánahttin adnojuvvui dehalažžan dál, go luosa báldii dárbbašuvvojit vealtameahttumit ođđa turismabálvalusat. Maid ceavzilis turismma ovdánahttin gávnnahuvvui leat Ohcejogas buorre njolggis, muhto fitnodatdoallit bukte ovdan maid iežaset ovdánahttinsávaldagaid mat laktásit turismabálvalusaid jođiheami čalmmustahttimii. Turismma ovdánahttimii laktáseaddji ságastallan bajidii lunddolaččat ovdan maid ovttasbargovejolašvuođaid fitnodatdoalliid gaskkas; vejolašvuođaid vuolleháhkanguoibmevuođain ja oktavuođaid čatnama báikkiin.

Eahket nogai oktasaš ilolaš fuomášeapmái das, ahte man vuordemeahttun ollu dilálašvuhtii ledje čoahkkanan fitnodatdoallit. Dat addá čielga dieđu das, ahte fitnodatforumlágan deaivvadanbáikkiide lea Ohcejogas dárbu. Boahtte jagi áigge uYritys-projeakta gohčču čoahkkái fitnodatforuma ja dat čoahkkana velá muhtun geardde, ja boahtteáiggi dilálašvuođat doibmejit seammás ovdánahttinforumin doaibmanmálle ovdánahttimii. Fitnodatdoalliide oaivvilduvvon dilálašvuođaid lágideapmái laktásettiin, sávaldat lei vealtit dilálašvuođaid badjálasvuođaid, maid bálvalivččii ovdamearkka dihte dáhpáhuskaleandar, mii dađistaga beaiváda iežas.

Boahtteáiggis eallinfápmobálvalusat bovdejit jeavddalaččat forumiid čoahkkái, vai bures johtui vuolgán gaskasaš gulahallan fitnodatdoalliid, ja fitnodatdoalliid ja gieldda gaskkas joatkašuvvá ja nannu. Gielddahoavda čoahkkáigesii dilálašvuođa loahpas ahte boahtte jagi mihttomearrin lea, ahte fitnodatforuma vehkiin Ohcejogas fitnodatdoalliid ja gieldda gaskkas leat lihkostuvvan stáđásmahttit dakkár ságastallankultuvrra ja ovttasbarggu vuoiŋŋa, mii baicce ovddida buohkaide dehalaš áššiid, oidno maid fitnodagaid jahkásaš gávpejođus.

Čuovvovaš fitnodatforum čoahkkana Ohcejogas skábmamánu 17. beaivve ja dat lágiduvvo ovttas Pohjoinen johtaminen -forumain. Čuovvovaš dáhpáhusa birra dieđihat fitnodatdoalliide lagabus muttus oahpes vugiin gieldda neahttasiidduin, sosiálalaš medias ja šleađgaboasttain.

Lassedieđut: uYritys-projeavtta projeaktahoavda Petri Hämäläinen, petri.hamalainen@utsjoki.fi