Fitnodatforum & Boahttevuohtaforum 12.1.2023: Makkár lea ealáhushárjeheaddji boahtteáiggi Ohcejohka?
19.12.2022
Govva: Ohcejoga gielda
Makkár livččii nieguid ja vuordagiid Ohcejohka eallit ja bargat fitnodagain? Mat leat Ohcejoga nanusvuođat, naba boahtteáigge áitagat ealáhushárjeheaddji perspektiivvas geahčadettiin? Makkár daguide livččii dárbu ealáhushárjeheami doarjjan Ohcejogas?
Ođđajagimánu Fitnodatforum lea Boahttevuohtaforum, gos gullat ealáhushárjeheaddjiid oainnuid das, makkár lea boahtteáiggi Ohcejohka. Dáhpáhus lágiduvvo duorastaga 12. ođđajagimánu gielddadálu váldostivrasáles eahkedis dmu 18 rájes.
Dilálašvuođas leat báikki alde gielddahoavda Taina Pieski, eallinfápmohoavda Tanja Lepistö ja gieldda eará ovddasteaddjit. Ságastallama jođihit Arctic Factory áššedovdit lotkes ja geasuheaddji vugiineaset. Arctic Factory lea roavvenjárgalaš bálvalushábmendoaimmahat, man spesiálasuorgin lea olbmuid dárbbuin vuolgi bálvalusvásáhusa ja movttiidahtti nuppástusa ovddideapmi.
Fitnodatforum du 12.1.2023
Ohcejoga gielddadálu váldostivrasále dmu 18-20
Buresboahtin dán guovtti diimmu dilálašvuhtii ságastallat ja hukset oktasaš višuvnna ealáhushárjeheaddji Ohcejogas!
Dilálašvuhtii ii dárbbaš almmuhit ovddalgihtii. Dilálašvuođas guossohat káfe, nu ahte bivdit goit almmuhit spesiálabiepmus 9.1. rádjai: taru.lindell@utsjoki.fi
Dilálašvuohta lágiduvvo ovttas uYritys- ja uKoordinaatio -projeavttaiguin. Boahttevuohtaforumii gullet máŋga gielddaolbmuide oaivvilduvvon ságastallandilálašvuođa, mat ordnejuvvojit sierra iešguđet čuozáhatjoavkkuide. Fitnodateaiggádiidda oaivvilduvvon Boahttevuohtaforum lágiduvvo dál ovttas Fitnodatforumiin. Čuovvovaš Fitnodatforum čoahkkana njukčamánus 2023.
Lassediehtu:
Projeaktahoavda Taru Lindell
Ohcejoga ráhkadusnuppástusa koordinerenprojeakta
040 154 3649
taru.lindell@utsjoki.fi