Fitnodatforumis doarjja guovllu ovddidanplánaide
Ohcejoga eallinfápmu gohčui čoahkkái Fitnodatforuma gaskavahko golggotmánu 18. beaivve. Eallinfápmohoavda Tanja Lepistö álggahii dilálašvuođa muitalemiin Ohcejoga gieldda jagis 2021 ožžon ÄRM-stáhtusa (fáhkka ráhkadusnuppástus) dálá dili birra. Lepistö gávnnahii, ahte gieldda geahččaladdá ain fáhkka ráhkadusnuppástus, ja vássán jahki gielddas lea leamašge ahte leat aktiivvalaččat hábmen Ohcejoga gieldda boahtteáiggi ovddidanoidnosiid stuorra rámaid. Dása laktása earet eará gielddas dahkkon strategiijaođastus, guovlluid ja eanageavaheami jorba beavddi ságastallamat, ja jođus lean projeavttaid bokte ollašuhtton ovddidandoaibmabijut ( ee. boahttevuođabargobájit, fitnodatforumat).
Čuovvovaččat Lepistö muitalii Ohcejoga fáhkka ráhkadusnuppástusa 2023-25 plánas. Dán ovdanbuktima ulbmilin lei gullat fitnodatdoalliid oaiviliid, mat guske ovddidanplánii hábmejuvvon ovddidandoaibmabijuid. Plána doarju gieldda strategiijavuđđosaš ovddidanbarggu lagamus jagiid ja árabu čielgasut ulbmiliid ásaheami dasa. Plána vuođul ságastalle earet eará gieldda geasuhan- ja bisuhanfámu ovddideapmái, sihke turismaealáhusa ja guolástanturismma ovddideapmái gullevaš áššiid birra.
Ovttas gávnnahedje, ahte boahttevuođas turismaealáhusa ovddideapmi lea gieldda guovllus guovddáš doaibmabidju. Turisma, mii ovdána, lasiha lunddolaččat eará ealáhusaid dárbbu. Turismma ovdánahttimis čuovvovaš dehalaš lávki lea lasihit Ohcejoga dovddusin dahkama turismabáikin erenoamážit álbmogiidgaskasaš áššehasaide. Dát dorjjošii mearkkašahtti láhkai turismma gánnáhahttivuođa ja stuorruma vejolašvuođaid. Boahtti turismma ovddidanprojeaktaideaide laktásettiin fitnodatdoallit guottihedje erenoamážit fitnodaga birra muitaleami áššehasa oasálašvuođa ovddideami bokte ja fitnodagaid ovttasdoaibmanprojeavtta. Gielda lea gearggus fállat fitnodagaide koordinerenveahki, jos fitnodagat háliidit ohcat fitnodagaid ovttasdoaibmanprojeavttaide mielde. Fitnodaga birra muitaleapmi áššehasa oasálašvuođa ovddideami bokte ja dan oktavuhtii huksejuvvon eallámušaid ovddideami lassin maid vásttolaš, ceavzilit ovdáneaddji turismma temá dolle ain dehalažžan. Dasa laktáseaddji áššin badjánii ovdan ovdamearkka dihte áššehasaid ádjáneapmi turismačuozáhagas ja suvdilis lagasgeinnodagaid plánema mearkkašupmi turismii.
Turismii gullevaš guolástustemás ságastalle maid viššalit. Guollebivdoturismma ovdánahttin lea okta ärm-plána oassi, ja dilálašvuođas bukte ovdan guollebivdoturismma ovddideapmái láktáseaddji jurddaevttohusaid. Antti Kastinen uYritys-projeavttas ovdanbuvttii jurdaga fitnodatdoaimmas beroštuvvan olbmuide oaivvilduvvon skuvlenollisvuođas (bargonamahus Teno Guide), mii skuvlešii guvlui ofelaččaid, geain lea nana báikkálašdovdamuš ja geat bálvalit álbmogiidgaskasaš áššehasaid miehtá jagi. Skuvlema sisdoalu ja áigetávvala birra lágiduvvo sierra gáiddusdilálašvuohta.
Elias Teriö Lapin kalastusmatkailus muitalii ruoššaluosa (pink salmon) guollebivdoturismii laktáseaddji ovdánahttinvejolašvuođain. Oassálastit ságastalle guoli suomagielat márkanastintearpma birra, ja temái máhccat skábmamánu neahttadilálašvuođas. Teriö gieđahalai álggahanságastis guollebivdoturismma dábálaš áššiid bajidemiin ovdan earet eará guollebivdoturismma viidodaga Gaska-Eurohpás ja iešguđetlágan guollebivdoturismma áššehasprofiillaid. Teriös lea aiddo barggu vuolde čielggadus, mii buvttaduvvo ovttasbarggus uDigi-projeavttain (Ruoššaluossa – áitagiid caggamis vejolašvuođaid ávkkástallamii /Kyttyrälohi – uhkien torjunnasta mahdollisuuksien hyödyntämiseen) ja čielggadusa bohtosiid ovdanbuktit dárkilabbot ohcejohkalaččaide 22.11.2023.
Dilálašvuođas gevvon ságastallan ja guovllu fitnodagain ožžojuvvon máhcahat nannii áddejumi das, ahte gielda lea iežas strategiijabarggus ja dál gárvvistuvvon ÄRM-plánas identifiseren rivttes doaibmabijuid guovllu ovddideami doarjjan. ÄRM-plánii sáhttá oahpásmit dárkilabbot vuolde (govva).
Lassedieđut:
Eallinfápmohoavda Tanja Lepistö, tanja.lepisto@utsjoki.fi, tel. 040 0151 294
