Gielddaráđđehus čoahkkana vuossárgga 5.6. gieđahallat earret eará gielddahoavdda ohcama ja ođđa gieldastrategiija
2.6.2023
Ohcejoga gielddaráđđehus 2021–2023: várreságadoalli Vesa Länsman (vas.), ságadoalli Väinö Guttorm ja lahtut Arto Pohjanrinne, Laura Niittyvuopio-Valle, Marjatta Kordelin ja Anni Ahlakorpi. Govas váilu gielddaráđđehusa lahttu Aslak Holmberg. Govva: Studio Borga
Ohcejoga gielddaráđđehus čoahkkana vuossárgga 5.6.
Gielddaráđđehus gieđahallá earret eará earu mieđiheami gielddahoavda Taina Pieskii, gielddahoavdda virgesadjásašvuođa dikšuma ja virggi ohcanláhkai almmuheami. Pieski lea eretcealkán iežas virggistis 1.8.2023 rájes ja báhcán virgefriijavuhtii 18.5.2023. Gielddaráđđehus lea 28.3.2022 § 59 mearridan gielddahoavdda sadjásažžan eallinfápmohoavdda. Ohcejoga eallinfápmohoavdan ja dan dihte maiddái vs. gielddahoavdan doaibmá Tanja Lepistö.
Gielddaráđđehus addá váldostivrii evttohusas maiddái váldostivrra ságadoalliid ja gielddaráđđehusa lahtuid, persovnnalaš várrelahtuid ja ságadoalliid válggas doaibmabadjái 2023–2025. Dasa lassin gielddaráđđehus gieđahallá earret eará Ohcejoga ođđa gieldastrategiija 2035 ja dan ovddosguvlui addima váldostivrii dohkkehanláhkai.
Váldostivra čoahkkana mearridit earret eará dáid áššiin 21.6.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá neahttasiiddusteamet.