Gielddaráđđehus dohkkehii eanapolitihkalaš prográmma čoahkkimisttis 27.5.
28.5.2024
Ohcejoga gielddaráđđehus doalai guhkes čoahkkima 27.5. ja gieđahalai moanaid áššiid, mat leat gieldda ovddideami dáfus dehálaččat.
Gielddaráđđehus dohkkehii eanapolitihkalaš prográmma ja evttoha dan ain váldostivrii dohkkeheami várás. Eanapolitihkalaš prográmmas meroštallojit Ohcejoga gieldda eanapolitihka doaibmanvuogit jagi 2035 rádjai. Prográmmabarggus meroštallojit gieldda dáfus guovddáš temát ja oassesuorggit: eanaháhkan, lávvabargu, eanaluohpadeapmi ja haddemearrideapmi, iešguđetlágan eanageavaheapmái guoski soahpamušaid hálddašeapmi sihke sajádatlávvabarggu ollašuhttima ovddideapmi.
Lasselisttu mielde gieđahallojuvvui Ohcejoga turismma master plan, man leat válmmaštallan álgojagi turismafitnodatdoalliiguin. Turismma mearrái ja kvalitehtii guoski mihttomearit dohkkehuvvojedje jagi 2035 rádjai. Geasi áigge Kiila Consulting Hanne Junnilainen hábme master plan gárvvisin ja loahpalaš mearridanprosessii.
Plána eallilan olbmuid doarjuma várás Ohcejoga gielddas jagiide 2024–2025 dohkkehuvvui. Dat ovdána gieldda váldostivrra gieđahallamii. Nu maiddái muhtun lassemearreruhtabivdagat ovdánit mearridanláhkai čuovvovaš váldostivrra čoahkkimii.
Čoahkkima beavdegirjji sáhttá lohkat dáppe.
LASSEDIEĐUT:
Väinö Guttorm, gielddaráđđehusa ságadoalli
040 503 1574
vaino.guttorm@utsjoki.fi
Päivi Kontio, gielddahoavda
040 744 7630
paivi.kontio@utsjoki.fi