Guovddášgievkkanat hálidit skáhppogoahtit guoli ovttas báikkálaš fitnodatdoalliiguin – Boađe gullat lasi du 15.9. dmu 12!

14.9.2022

Ohcejoga, Soađegili ja Anára guovddášgievkkanat leat ovttasbarggus háhkan muhtun biebmoávdnasiid, ovdamearkka dihte láibbit leat diŋgojuvvon oktasašskáhppomin. Gievkkanat hálidit dál lasihit ovttasbarggu ja álggahit oktasašskáhppoma maiddái guoli oasil. Dat mearkkaša, ahte juohke guovddášgievkkan rahpá iežas fálaldatbivdaga jagi guolledárbbus.

Ohcejoga, Soađegili ja Anára ámmátguolásteaddjiide ja restoráŋŋafitnodatdoalliide lágiduvvo duorastaga 15.9. dmu 12–15 sihke Avvilis ja neahta bokte dilálašvuohta, mas lea ulbmil muitalit, mo maiddái unnit guollebivdit ja sii, geain ii leat vásáhus fálaldagaid guođđimis ovddežis, besset buorebut mielde stuorát háhkamiidda.

Gievkkanat sávvet, ahte guovllu guollebivdit ja restoráŋŋaid gievkkaniid bargit oassálastet čoahkkimii, mas ulbmilin lea

  • rávvet, mo fálaldagaid guođđimii beassá mielde.
  • smiehttat ovttas vugiid dasa, mo gávppálaš restoráŋŋat sáhtášedje ovttasbargat guovddášgievkkaniiguin biebmoávdnasiid háhkamis.
  • smiehttat, livččego Lappi gievkkaniin vejolašvuohta ávkkástallat ruoššaluosain.
  • smiehttat, maid galggašii bargat vuoi guovllu guliiguin ávkkástallo boahtteáiggis ceavzilis vugiin, vuoi buot hálideaddjit fidnešedje lagašguoli borramušlisttuide ja vuoi guollebivddus riegádivčče ođđa fitnodatdoaibma.

Sávvat dan dihte dilálašvuhtii oassálastiid golmma gieldda fitnodatdoalliin, guovddášgievkkaniin ja eallinfápmodoaimmas.

Ohcejohkalaš fitnodatdoalli, almmut iežat dilálašvuhtii dákko!

 

Lassidieđut:
Tanja Lepistö
Eallinfápmohoavda, Ohcejoga gielda
0400 151 294
tanja.lepisto@utsjoki.fi


Eará ođđasat