Guovlogeaidnu 970 sihkkelastinprojeavtta ovddidanprojeavtta plánen lea álgán – plánema doarjuma dihte fitnodatdoalliide lea sáddejuvvon jearahallan ja vuosttas plánendilálašvuohta lea lágiduvvon 25.11.

ÄRM (Fáhkkes ráhkadusnuppástus) -vuolggahanprojeavttas plánavuloš guovlogeainnu 970 sihkkelastinprojeavtta ollašuhttima várás lea sáddejuvvon šleađgaboastta bokte jearahallanskovvi guovllu fitnodagaide. Jearahallamiin kártet fitnodagaid sávaldagaid, ideaid sihke sin beroštumi projeaktajurdagii. Projeavtta vuosttas plánendilálašvuohta lágiduvvui 25.11. ja doppe badjánii dárbu kártet viidásabbot báikkálaš fitnodagaid beroštumi projektii. Sihkkelastingeinnodat jođašii guovlogeainnu 970 mielde Gáregasnjárggas Njuorggámii ja vejolaččat joatkašuvašii goappáge geažes ovddos guvlui.

Guovlogeainnu 970 Sihkkelastinprojeavtta vuosttas dilálašvuohta dollui 25.11.

Duorastaga 25.11. dollojuvvui Sihkkelastinprojeavtta vuosttas plánenčoahkkin gielddadálus sihke gáiddusoktavuođaiguin. Dilálašvuhtii oassálaste 14 olbmo.

Gielddahoavda Vuokko Tieva-Niittyvuopio rabai plánendilálašvuođa bajidemiin ovdan beroštumi lassáneami sihkkelastinturismii dáid maŋimuš áiggiid. Dálá ja ođđa fitnodagat sáhtášedje vuolgit mielde áigumuššii álkidit, dasgo stuorát investeremat eai vealtameahttumit dárbbašuvvo. Son sávaige, ahte fitnodagat vulget mielde dán Deatnogátti geainnu guorri sihkkelmáđiiáigumuša plánemii ja ollašuhttimii, dasgo vejolašvuođat sihkkelastinturismma ovddideapmái leat valjis. Vuokko buvttii ságastis maiddái ovdan jođus leahkki ovddugohcinbarggu geahppajohtolaga geainnuid oažžuma várás giliid lahkosii ja oažžut dárbbašlaš sihkkelastininfra geaidnogurrii.

Dilálašvuođas, Turismavástideaddji/Vásttolaš turisma Ohcejogas -projeavtta projeaktahoavda, Sonja Sistonen muitalii jođus leahkki sihkkelastináigumušain Arctic Bikepacking trail, STIL(Slow travel in northern rural landscapes), sihke Buresboahtin sihkkelasti -dovddaldagas. Dát dálá projeavttat čohkkejit fitnodagaid ja bálvalusaid, testejit geinnodagaid ja maiddái vuovdalit daid oassin viidásut ollislašvuođaid. Projeaktakoordináhtor Siiri Uino muitalii ovdamearkkain máilmmis, man lassin háleštuvvui sihkkelastinmátkkiid buvttan dahkamis. Deaŧalaš bajideapmin bohciidedjege gažaldagat, man láhkai doaibmanbiras fidnejuvvo ortnegii; Mo ožžojuvvojit fitnodagaid bálvalusat sihkkelastinjoavkkuide ortnegii; sihke máhttin sihkkelastimii laktásemiin ortnegii.

Ovddidan- ja ealáhushoavda Eeva-Maarit Aikio divttistii loahpas dilálašvuođa ávkki čuovvovaččat: dilálašvuođas oaččuimet buriid ovdan bajidemiid dorvvolašvuođas, vejolaš temáin sihke siidobálvalusain. Dát gáibida oktasašbarggu, infra, ideaid ja turismafitnodatdoalliid lassin eará sisdoalu ee. kultuvrra, dáidaga, dujiid, oanehis vázzimiid ded. bokte. Áigumuša plánenmuttu čuovvovaš oassin mii váldit oktavuođa viidásut fitnodatjovkui das, leago dán áigumuššii beroštupmi ja dovdetgo Deatnogátti fitnodagat dán iežaset projeaktan ja háliiditgo bidjagoahtit dása resurssaid. Jearru sihkkelastingeinnodagaide ja -mátkkiide lea, nu ahte gažaldat leage, leago fállu ja hálu.

Mii leat sádden jearahallanskovi guovllu fitnodagaide, muhto jos it man nu sivas leat ožžon skovi ja hálidat váldit oasi jearahallamii, váldde oktavuođa ÄRM-projeaktakoordináhtor Siiri Uinoi, siiri.uino@utsjoki.fi