Nuoraid guolástan- ja medialeairras ain moadde báiki – almmut iežat mielde maŋimustá 22.6.!
20.6.
Leirii čáhket vel moattis ja almmuhanáigi leage jotkojuvvon gitta 22. beaivái. Leirii leat buresboahtán buot 12 – 18 -jahkásaš nuorat, geain lea gullevašvuohta Ohcejohkii dahje Deanu čázádahkii!
Sámi kulturárbbi nannen Deanuleagis -prošeakta ordne ovttas Deanuleagis sámástit -prošeavttain (Interreg Davvi 2020–2022) ja gieldda asttuáigedoaimmain nuoraide sámegielat geasseleairra Ohcejohnjálmmis. Leaira lágiduvvo vuossárggas bearjadahkii 4.–8.7. beaivválaččat dmu 10–17. Leairras nuorat besset oahpahallat ja geahččalit muhtin árbevirolaš bivdovugiid ja eará guollebivdui ja fanasdáidduide laktáseaddji doaimmaid. Dasa lassin nuorat ieža govvejit oanehut ja guhkit filmmaid dáin doaimmain. Bagadallin leairras leat báikkálaš árbediehttit ja filbmabarggu áššedovdit, ee. Niki Rasmus ja Sakari Syvänperä.
Leairras govvet filmmaid ja editeret daid ámmátrusttegiiguin, sáimmastallat, šlivgut gáttis, čollet ja sáltet guliid, goargŋut, oahppat lohkat čázi, oahppat čázis gádjundáidduid, suohtastallat ja smiehttat, čáhkágo dát visot ovtta tiktokii!
Leairra váldogiella lea davvisámegiella. Leaira lágiduvvo Ohcejohnjálmmis ja mii ordnet dohko nuoraide sáhtuid Njuorggámis, Gáregasnjárggas ja Ohcejohsiste. Leairras fállojuvvo beaivválaččat borramuš ja mii sáhttit veahkehit idjadansaji gávdnamis. Leaira lea oassálastiide nuvttá. Dárkilut prográmma almmustahtto lagabuš leairra.
Buresboahtin mielde!
Lassedieđut:
Prošeaktabargi
Anni Ahlakorpi
Sámi kulturárbbi nannen Deanuleagis
040 571 9269
anni.ahlakorpi@utsjoki.fi