Ohcejoga ÄRM-projeavtta birra oanehaččat– projeakta lea nohkan ja lea giitosiid áigi!
20.6.2022
Geassi lea jo boahtán Ohcejohkii ja ÄRM (fáhkkes ráhkadusnuppástus) – ovddidanprojeakta lea nohkan. Leage áigi giitit gieldalaččaid sihke projeavtta stivrenjoavkku, geat leamašan aktiivvalaččat doarjumin projeavtta sihke dan oktavuođas ovddiduvvon joatkkaprojeavttaid – Din doarjja projeavttaid plánemis lea leamaš dehalaš!
ÄRM- ovddidanprojeavtta juksanáigumuššan lei ovddidit sihke álggahit 4 – 7 ođđa projeavtta. Dáid projeavttaid ulbmilin lei vástidit korona sihke luossabivdogildosa buktin hástalusaide oktilaččat ja máŋggabealagit. Dál projeavtta nogadettiin leat vihtta ođđa projeavtta jođus, ja guokte vurdet ruhtadanmearrádusa. Dáid projeavttaid vehkiin duođalaš bargu beassá álgit!
Dál go ovddidanprojeakta nohká lea dárbu orustit geahččat, mo ráhkadusnuppástus buohkanassii lea ovdánan. Projeavttat ráhkadit oktilis ollisvuođa, mas ee. ovddidat eallinfápmobálvalusaid, doarjut fitnodagaid rievdandilis ja ohcat báikkálaš ja guvllolaš ovttasbargguin ođđa háltti. Dán boahtit ollašuhttit nana gulahallama sihke fierpmáiduvvama fámuin. Vuolabeallái leat čohkkejuvvon ráhkadusnuppástusa mielde ovddiduvvon projeavttat:
- uDigi – Ohcejoga digitála eallinfápmu
- Projeavttas lea Lapin liitto REACT-EU-ruhtadeapmi áigodahkii 1.3.2022 – 30.10.2023, projeavtta bušeahtta lea 199 074 euro. Projeakta lea álggahuvvon njukčamánus. Projeavttas bargá oasseáigásaš projeaktahoavda, diehtojuohkki sihke projeaktakoordináhtor. Projeavtta siidduide beasat dákko.
- uYritys – Ohcejoga eallinfámolaš fitnodagat ja bargoveahka
- Projeavttas lea EJB-guovddáža ESR-ruhtadeapmi áigodahkii 1.4.2022 – 31.10.2023, projeavtta bušeahtta lea 231 183 euro. Projeakta lea álgán njukčamánus. Projeavttas bargá projeaktahoavda, diehtojuohkki sihke projeaktakoordináhtor. Projeavtta siidduide beasat dákko.
- Sámi kulturárbbi nannen Deanuleagis
- Projektii lea juolludan ruhtadeami Leader Pohjoisin Lappi, áigodahkii 1.2.2022-30.6.2023. Projeavtta bušeahtta lea 103 077 euro. Projeavttas bargá projeaktahoavda ja projeaktabargi. Projeavtta siidduide beasat dákko.
- Teno Outdoor – sihkkelastin ja luondduturisma Deanuleagis
- Projeakta lea ožžon AKKE ruhtadeami (Lapin Liitto), áigodahkii 1.5.2022 – 30.3.2024. Projeavtta bušeahtta lea 245 764 euro. Projeavttas bargá projeaktahoavda, vásttolašvuođa – ja gulahallanáššedovdi ja projeaktakoordináhtor. Projeavtta siidduide beasat dákko.
- Ohcejoga ráhkadusnuppástusa koordineren – projeakta
- Projeakta lea ožžon AKKE ruhtadeami Lapin Liittos, áigodahkii 1.5.2022 – 31.12 2023. Projeavtta bušeahtta lea 117 751 euro. Projeavttas bargá projeaktahoavda. Projeavtta siidduide beasat dákko.
- Dorvvolaš sihkkelastinturisma Deanuleagis– projeakta
- Projektii lea ohccojuvvon ruhtadeapmi EJB:s, áigodahkii 6.2022-31.3.2023. Projeavtta bušeahtta lea 45 573,16 euro. Projeavttas geahččalit ollašuhttit dárbbašlaš dorvvolašvuođaguorahallamiid, mat dorjot guovllu vásttolaš ja dorvvolaš ovddideami sihkkelastinturisman.
- Njuorggáma Stuorrageađggevári čorgatvuohta ja geasuhahttivuohta (vuordá virggálaš mearrádusa ruhtadeamis)
- Projeavtta gaskaboddasaš bušeahtta lea 72 578 euro ja ruhtadeapmi lea EJB:s, birasministeriijas.
Dáid projeavttaid lassin ÄRM-projeavttas lea ollašuhtton guorahallan, mas lea gártejuvvon Gáregasnjárgga boares skuvlla doaibmalanjaid ávkkástallan gili olbmuid doaimmaid várás. Ášši álgit guorahallat sierra bargojoavkkus.
Earet eará dáid ja eará projeavttaid mielde nana bargu gieldda eallinfámu ovddideapmin joatkašuvvá. Ovttas dinguin gieldalaččaiguin nákcet sihkkarit ráhkadit čuovgadis ja eallinfámolaš boahtteáiggi!
Jos dus lea juoidá jearramuš projeavttaid birra, de amma válddát roahkkadit midjiide oktavuođa! Mielas vástidat du gažaldagaide ja gullat du jurdagiid. Beaividat maid aktiivvalaččat eallinfámu Facebook siidduid ja maid gieldda fierbmesiidduid das mo ráhkadusnuppástus ovdána.
Lassedieđut:
Siiri Uino
Projeaktakoordináhtor
+358 40 544 2058
siiri.uino@utsjoki.fi