Ohcejoga gielda evttoha, ahte dat beasašii mielde guovlluguovdasaš oahppoloatnabuhttema iskkadeapmái
19.9.2022
Ohcejoga gielda evttoha oahpahus- ja kulturministeriijai, ahte dat beasašii mielde plánejuvvon guovlluguovdasaš oahppoloatnabuhttema iskkadeapmái.
Gielda čállá cealkámušastis ministeriijai, ahte jos iskkadeapmi lihkostuvvá, dat doarjjošii máhtu bissuma guovllus. Gielda jáhkká, ahte oahppoloanaid buhtten geasuhivččii Ohcejohkii nuorra ruovttoluottafárrejeaddjiid sihkkarastit gieldda láhkageatnegahtton doaimmaid ja šaddadit gieldda eallinfámu. Iskkadeami oainnus livčče maid dehálaš, ahte mielde livčče joba jo okta sámeguovllu guovttegielat gielda. Ohcejohka lea Suoma áidna gielda, gos sápmelaččat leat eanetlohkun.
Ohcejohka Norgga rádjagieldan lea evttohan iešguđetlágan guovllupolitihkalaš doaimmaid rádjagielddaide jo badjel 50 jagi nu gohčoduvvon Norgga málle vuođul. Gielda fuopmášahttá cealkámušastis, ahte menddo máŋggat skuvlejuvvon olbmot vulget bargui Ohcejogas Norgga beallái, go Suomas eai leat fállun jur mangelágan movttiidahttinkoansttat Norgga ektui. Gilvu bargofámus sihke Lappi eará gielddaiguin ja Davvi-Norggain dahkáge Ohcejoga gieldda dilis erenoamáš spiehkkaseaddji pilohttii válljejuvvon eará gielddaid ektui.
Ohcejoga gieldda eallinfámu hástalit dán dilis maiddái earret eará Deanu luossabivdogildosa ja koronaepidemiija rádjágiddemiid čuvvon fámolaš struktuvranuppástus ja duođalaš vátnivuohta sihke buot doaibmasurggiid bargiin ja skuvlejuvvon sámegielat bargofámus.
Ohcejoga gieldda olles cealkámuša oahpahus- ja kulturministeriijai sáhttá lohkat dákko (suomagillii).