Ohcejoga gielddahoavdan ohce ovccis – lassin okta olmmoš attii iežas miehtama virgái

5.1.2022

Ohcejoga gielddahoavdda virgái bohte mearreáiggis ovcci ohcamuša. Lassin okta olmmoš attii iežas miehtama virgái. Ohcanáigi nogai 31.12.2021.

Gielddahoavdan ohce mearreáiggis Päivi Aikasalo (filosofiija doavttir, Ohcejohka), Mikael Kieksi (fievro- ja fievrredanteknihka teknihkkár, Kuusamo), Susanna Kisner (dearvvašvuođadiehtagiid magisttar, Oulu), Marja-Riitta Lukkari (hálddahusdiehtagiid magisttar, Helsset), Khalil Mozaffari (gávpediehtagiid magisttar, Master degree program of Leadership for Change, Economics and business administration, Tampere), Risto Niemelä (inšenevra YAMK, Raiskio), Taina Pieski (filosofiija magisttar, Helsset), Esko Rautiainen (hálddahusdiehtagiid magisttar, Puolanka) ja Teemu Roivainen (agrologa, Lukkarila).

Lassin iežas miehtama gielddahoavdda virgái lea addán Rauno Maaninka. Gielddahoavdda virgái lea lága mielde vejolaš váldit maid olbmo, guhte ii leat ohcan virggi, muhto lea addán iežas miehtama dasa ja gean gelbbolašvuođas lea addojuvvon čilgehus.

Ohcejoga gielddaráđđehus vállje ohcciid jearahallamiidda ođđajagimánu 17. beaivve ja jearahallá sin ođđajagimánu 31. beaivve. Maiddái váldostivrra áirasat sáhttet oassálastit jearahallamiidda. Jearahallamiid maŋŋá gielddahoavdda válljemis mearrida váldostivra.


Eará ođđasat