Ohcejoga gieldda ođđa projeakta geahččala čohkket sámegiela tulkon- ja jorgalanbálvalusaid ovtta sadjái – Projeakta bovde buot jorgaleaddjiid ja tulkkaid fierpmáiduvvandilálašvuhtii!

7.10.2021

Utsjoen kunnassa on käynnistynyt hanke, joka pyrkii keskittämään saamen kielen tulkkaus- ja käännöspalvelut – Hanke kutsuu kaikki kääntäjät, tulkit sekä toiminnasta kiinnostuneet verkostoitumistilaisuuteen!

Govva: Ville-Riiko Fofonoff / Sámediggi

 

Ohcejoga gielddas lea álgán čakčamánus ođđa Sámegiela dáiddus bargu -projeakta. Gažaldat lea Leader Pohjoisin Lappi ry ruhtadan projeavttas, man ulbmilin lea fidnet sámeguvlui, vuosttas sajis Ohcejohkii, sámegiela tulkon- ja jorgalanbálvalusaid čohkiidusa, mii doaimmašii oasussearvvi hámis dahje eará fitnodatdoaimma vugiiguin.

Projeavtta ulbmilin lea sihke buoridit sámegielat jorgalanbálvalusaid fitnašuvvama ja hábmet vuollegis šielmmá fitnodatdoaimma. Projeavttain geahččalat vástidit tulkon- ja jorgalanbálvalusaid diŋgojeaddjiid dárbbuide, ja fuolahit ahte sii sáhtášedje háhkat bálvalusaid njuovžilit ovtta sajis. Projeavttain ráhkkanat maiddái dasa, ahte ođđa buresbirgenguovllu mielde tulkomiid ja jorgalusaid dárbu lassána.

Dánlágan jorgalan- ja tulkonoasussearvvit gávdnojit Suomas juo ovddežis. Muhtun oasusservviid hálliid boahtit mii gullat projeavtta dilálašvuođain.

Sámegiela dáiddus bargu -projeakta bovdege dál buot sámegiela tulkkaid ja jorgaleaddjiid sihke earáid, geat vihkkedallet tulkon- ja jorgalandoaimma álggaheami, fierpmáiduvvaneahkedii 29.10. Anárii! Geahča dilálašvuođa prográmma dás. Dilálašvuhtii sáhttá almmuhit dán liŋkkas. Almmuheapmi ii goittot leat vealtameahttun, sáhtát boahtit báikki ala maiddái almmutkeahttá!

Projeakta lágida tulkkaide, jorgaleaddjiide sihke jorgalandoaimmas beroštuvvan eará olbmuide maiddái nuppi dilálašvuođa 25.11. Ohcejogas. Dilálašvuođas dieđihat lasi maŋŋelis. Ohcejoga dáhpáhusa lea vejolaš čuovvut maiddái gáiddusin.

Dilálašvuođat lágiduvvojit ovttas Deanuleagis sámástit ja Sámegielaid tulkon -projeavttaiguin. Buresboahtin!

Lassedieđut:

Leena Niska
Projeaktahoavda, Sámegiela dáiddus bargu -projeakta
leena.niska@utsjoki.fi
+358 40 1942954

 

Mii Sámegiela dáiddus bargu -projeakta?

Dál sámeguovllu tulkkat ja jorgaleaddjit barget ollu okto. Oassi sis doaibmá priváhta fitnodatdoallin, muhto stuorámus oassi bargá jorgalan- ja tulkonbargguid bargogaskavuođas, nu ahte guhtege ovttaskas bargodáhpáhusa várás galgá čállit ovdamearkka dihte beaivvi guhkkosaš bargosoahpamuša. Bálvalusa diŋgojeaddjái dát doaibmamálle lea hiđis ja barggaha ollu, dasgo bargoáigi gollá ollu oktavuođaid doallamii.

Projeavtta ulbmilin lea hábmet sámeguvlui, vuosttas sajis Ohcejohkii, sámegiela tulkon- ja jorgalanbálvalusaid čohkiidusa, mii doaimmašii oasussearvvi hámis dahje eará fitnodatdoaimma vugiiguin. Ulbmilin lea sihke buoridit sámegielat jorgalanbálvalusaid fitnašuvvama ja hábmet vuollegis šielmmá fitnodatdoaimma. Projeavttain geahččalat vástidit tulkon- ja jorgalanbálvalusaid diŋgojeaddjiid dárbbuide, ja fuolahit ahte sii sáhtášedje háhkat bálvalusaid njuovžilit ovtta sajis. Projeavttain ráhkkanat maiddái dasa, ahte ođđa buresbirgenguovllu mielde tulkomiid ja jorgalusaid dárbu lassána.

Sámegiela tulkon- ja jorgalanbálvalusaid dárbbašat ovdamearkka dihte giellalágas meroštallon bálvalusaide, muhto maiddái eará jorgalanbargguide nugo iešguđetlágan cealkámušaide, projeaktateavsttaid jorgaleapmái sihke turismabrošyraide. Ná sámegiela dáidu ja dan lassin maid kultuvrra dovdamuš lea dakkár máhttu, mii lea oalle buorre vuođđu fitnodaga doallamii sierra hámiin.

Projeakta ollašuhtto áigodagas 1.9.–15.12.2021. Ruhtadeaddjin lea Leader Pohjoisin Lappi ry.


Eará ođđasat