Ohcejoga turismma Master Plan -fitnu ollašuhttit leat válljejuvvon
22.9.2023
Vássán jagi áigge Ohcejoga gielddas lea dohkkehuvvon jurdda, ahte turismma ovdánahttin lea dehálaš vuohki olahit suvdilis guhkesáigge ekonomalaš dássedeattu. Turismma suvdilis ovdánahttin lea loktejuvvon maiddái strategalaš deattuhussuorgin ođđa gielddastrategiijas, man váldostivra dohkkehii 21.6.2023.
Dán rádjai turisma lea Ohcejogas leamašan eanaš luossaturisma, muhto dál dárbbašuvvo oppalaš oaidnu turismma ovdánahttimis. Dákkár oainnu vuođđun livččii servoša sosiála dohkkeheapmi, iešguđege ealáhusaid guovlluid geavaheami dássedeaddu, meroštallat stuorruma dárbbuid ja ulbmiliid, čanastatjoavkkuid čatnašumi ovdánahttin ja dáid vuođul ráhkaduvvon doaibmabidjoplána. Dán dárbbu váras lea álggahuvvon Ohcejoga Turismma Master Plan -fidnu.
Fidnu ollašuhtto oastinbálvalussan, ja barggu ollašuhttin leaba almmolaš gilvalahttima bokte válljejuvvon Hanne Junnilainen Kiila Consulting Oy:s, ja Jari Virtanen Utemarketing Oy:s. Sáhtát lohkat lasi Hanne ja Jari birra čállosa loahppageažis.
Dan lassin Ohcejoga gieldda beales fidnus bargá prošeaktahoavda 20 % bargoáiggiin.
Fidnoáigi: 1.9.2023 – 31.8.2024
Ruhtadeaddji: Lappi lihttu (Alueiden kestävän kasvun ja elinvoiman tukemisen hankerahoitus/ Prošeaktaruhtadeapmi guovlluid suvdilis ovdáneami ja eallinfámu doarjuma várás) ja Ohcejoga gielda
Barggu ulbmilin lea
- Ráhkadit holisttalaš, álkket áddehahtti plána Ohcejoga turismma ovdánahttima várás
- Meroštallat ulbmildási, mearrádusaid ja joatkkadoaimmaid
- Ráhkadit doaibmabijuin čielga ovdanbuktima, mas bohtet ovdan sierra muttut ja ollisvuohta
- Ráhkadit vuođu buorebut gánnáhahtti fitnodatdoibmii
- Šelget Ohcejoga turismma bránda ja dahkat buvttaovdánahttima dan vuođul
- Hukset vuođu guovllu ja fitnodagaid márkanastimii ja vuovdimii
- Hukset vuođu guovlluid geavaheami plánii, mii ovddida turismaealáhusa ovdánahttima
Guhkesáigge ulbmilin lea
- Riegádahttit ođđa bargobáikkiid
- Turismma stuorruma bokte dahkat vejolažžan ealáhusdoaimma ja vearroboađuid lassáneami fáhkkes ráhkadusnuppástusa dilis
- Fitnodagaid gánnáhahttivuođa buorideapmi
- Jo gárvves fitnodagaid bissuma guhkideapmi
- Lasihit ovttasbarggu álbmogiidgaskasaččat
- Ođđa investeremiid fidnen
- Fidnet áššehasaid, geat geavahit eanet ruđa (erenomážit bálvalusaid ja aktivitehtaid geavaheapmi)
Bargit
Hanne Junnilainen (Kiila Consulting Oy), prošeaktahoavda
Junnilainen lea bargan viidát iešguđegelágan turismma, eanangeavaheami ja girdijohtolaga strategiijadási bargguin ja fidnuin, muhto lea maiddái bargan operatiivvalaš dásis ee. hotealla jođiheaddjin ja girdingieddebarggus. Junnilačča givrodat lea doaibmi ollisvuođa huksen nu ahte plána sáhttá ollašuhttit muttuid mielde.
Jari Virtanen (Utemarketing Oy)
Virtanen lea doaibman máŋggaid hoteallaid jođiheaddjin 1990-logu álggu rájes ja leamašan bidjamin álgui ja ovdánahttimin máŋgga turismaguovllu doaimma ja organisašuvdnan šaddama. Jari sierramáhttu lea mátkelágideaddjivuovdin ja gánnáhahtti turismafitnodoaimma ollašuhttin.
Lassedieđut:
Taru Lindell
Prošeaktahoavda
040 154 3649
Dahje
Tanja Lepistö
Vt. gielddahoavda, eallinfápmohoavda
0400 151 294
