Ohcejogas leat gávdnon jođánis teasttaiguin guokte ođđa koronavirusnjoammuma
Ohcejogas leat gávdnon duorastaga 3.12. jođánis antigenateasttaiguin guokte (2) ođđa koronavirusnjoammuma. Olbmuin leat váldon sihkkarvuođa dihte vel lassiteasttat, maid NordLab Roavvenjárggas dutká duorastaga áigge.
Ođđa njoammumat laktásit Ohcejoga mannan vahku njoammumii. Olbmot leamašan karantenas ja soai eaba leat njoammudan virusa ovddosguvlui.
Heidi Eriksen
Vástideaddji doavttir
Tel. 040 1810284
Vuokko Tieva-Niittyvuopio
Gielddahoavda
Tel. 0400 933 754
Jos eahpidat alddát dahje lagašbirrasisttát koronavirusnjoammuma, váldde oktavuođa Ohcejoga dearvvasvuođaguovddážii (árgan diibmu 8–16 tel 040 181 0285, vahkuloahpaid, eahkediid ja árgabasiid tel 040 181 0281).
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Lasi dieđuid koronavirusdilis gávnnat earret eará Ohcejoga gieldda, Lappi buohccedikšunbire ja THL neahttasiiddus.