Ohcejogas leat gávnnahuvvon máŋggat koronavirusinfekšuvnnat máŋgga sierra njoammunbálgás – jos dutnje ihtet makkárnu dávdamearkkat, báze eaktodáhtolaš karantenii ja mana testii
4.1.2022
Ohcejogas leat gávnnahuvvon mannan vahkuloahpa ja vuossárgga áigge máŋggat covid-19-koronavirusinfekšuvnnat máŋgga sierra njoammunbálgás. Okta koronabuohcci lea buohcceviessodivššus. Gielddas čielggadit dál njoammunbálgáid ja leat persovnnalaččat oktavuođas olbmuide, geat leat gártan njoammunáitaga vuollái.
Jos dutnje ihtet makkárnu koronavirusinfekšuvdnii gullevaš dávdamearkkat, báze eaktodáhtolaš karantenii ja fina koronavirusteasttas, tel. 040 682 2348. Maiddái ruoktoteasttaid gánneha dahkat. Jos ruoktoteasta lea positiiva, leage oktavuođas dearvvasvuohtaguovddážii, tel. 040 682 2348.
Lappi buohccedikšunbiirre guovllus, dego maiddái olles Suomas, koronavirusinfekšuvnnaid mearri lea sakka lassánan. Jos don it leat vel boahkuhuvvon dahje dus váilot beavttálmahttinboahkut (2., 3. dahje 4. addosat), gánneha boahkuheapmái várret dál áiggi. Riskajoavkkut ja buot badjel 60-jahkásaččat sáhttet oažžut 3. boahkuhusa jo golmma mánotbaji geažes nuppi boahkuhusas. THL ávžžuha njealját boahkuid 12 jagi deavdán olbmuide, geain váilu sakka immunitehta. Beavttálmahttinboahkuhusa sáhttá addit, go goalmmát boahkuhusas lea gollan 3–4 mánotbaji. Maiddái 5–11-jahkásaččaid boahkuheamit álget fargga. Koronaboahkuhemiide sáhttá várret áiggi telefovnnain, tel. 040 758 2073 / dearvvasvuohtadikšu Elina Perttilä.
Mii muittuhat maiddái čoahkkananráddjehusas ja ávžžuhusain garvit lagaš kontávttaid ja geavahit máskka álo áššiid divššodettiin. Gávnnat Ohcejoga gieldda dálá ávžžuhusaid ja ráddjehusaid dáppe ja eará dieđuid koronadilis, boahkuhemiin ja testemis dáppe.
Lassedieđut:
Heidi Eriksen
njoammudávddain vástideaddji doavttir
040 181 0284