Olgoálšasále Ohcejohkii -fidnu ohcá eaktodáhtolaš bargiid ja ruhtadeaddjiid
22.6.2022
Nuoraidfidnojienastusa vuoiti: Olgoálšasále Ohcejohkii
Ohcejoga nuoraidfitnu jienastus giđđat lei bivnnut, buohkanassii vuollel 29-jahkásaččaid jienat bohte 106 stuhka! Skuvllat ollašuhtte viššalit jienastusaid oahppodiimmuin ja jienastus máinnašuvvui rádio ráje. Jienastusa vuittii olles 61 jienain “Olgoálšasále Ohcejohkii”. Nubbin bázii “Grilligoahti Gáregasnjárgii” 29 jienain.
Fitnu leat plánegoahtimin
Váldostivra dohkkehii čoahkkimisttis 21.6. Olgoálšasále Ohcejohkii -fitnu. Olgoálšasále plánen lea álggahuvvon jo ovdal dán ja oaivilin lea ovdánit fitnuin nu jođánit go vejolaš. Fidnu plánejuvvo nu bures go vejolaš, vai olgoálšasále sihkkarit bálvalivččii geavaheaddjiid máŋggabealagit ja buoremus lági mielde.
Olgoálšasále lea plánejuvvon Áilegas-dáluid gaskii gáhtu vuollái. Olgoálšasále várás diŋgot máŋggalágan valáštallanreaidduid. Dan lassin olgoálšasále gáhttu hervejuvvo ja álšasále oktavuhtii áigut čohkket maiddái sámegielat valáštallansániid ja árbedieđu. Olgoálšasále oktavuhtii bohtet maiddái beaŋkkat čohkohallama várás.
Dárbbašat eaktodáhtolaš bargiid ja ruhtadeaddjiid
Jo dál fitnu plánenmuttus mii kártet vejolaš báikkálaš ovttasbargoguimmiid geain gávdnošii mokta ollašuhttit fitnu minguin ovttas. Ohcat erenomážit báikkálaš servviid ja fitnodagaid doarjut fitnu eaktodáhtolaš bargguin dahje ruđalaččat. Mii boahtit dárbbašit olu doarjaga, go 35 proseantta fitnu goluin galggašii gokčat eaktodáhtolaš bargguin dahje priváhta ruhtademiin. Dál de dárbbašat báikkálaš olbmuid veahki vai fidnu ollašuvvá!
Eaktodáhtolaččaid bargun livččii earret eará čohkket valáštallanrusttegiid, hervet gáhtu, čohkket valáštallansániid ja árbedieđu ja maiddái hukset, plánet ja fievrridit beaŋkkaid. Hálidivččetgo don dahje hálidivččiigo du searvi leat veahkkin dáid bargguin?
Jus beroštuvvet, váldde oktavuođa:
Janne Mustonen, asttuáiggečálli, janne.mustonen@utsjoki.fi, p. 0400 319 852
Siiri Uino, ÄRM -fidnokoordináhtor, siiri.uino@utsjoki.fi, p. 040 544 2058
Jenni Pulska, fitnu ráđđeaddi, jenni.pulska@pll.fi, p. 040 124 5180