Sámegielaid gáiddusoahpahusprošeakta ja Deanuleagis sámástit lágidit sámegiela gáiddusoahppiid fuolaheaddjiide giellarávvehateahkeda

Ohcejoga gieldda jođihan Sámegielaid gáiddusoahpahusprošeakta ja Ohcejoga gieldda Deanuleagis sámástit -prošeakta (Interreg Nord) lágidit sámegiela gáiddusoahpahusa oahppiid fuolaheaddjiide, jođiheaddjiide, oahpaheaddjiide ja rektoraidda giellarávvehateahkeda neahtas gaskavahku 13.10.2021 dmu 18–19.30.

Giellarávvehateahkedis gieđahallojit gažaldagat ja temát, mat smiehtahit fuolaheaddjiid, ja sidjiide maiddái fállojit vuogit máná dahje nuora giellaidentitehta nannema várás. Seammá háve fuolaheaddjit ožžot veardásašdoarjaga sámegielat mánáid eará fuolaheaddjiin.

Eahkeda áigge sáhttá gieđahallat earret eará bearraša giellaválljemiid, máná dahje nuora gielalaš ovdáneami doarjuma sihke doaibmama sámegillii iešguđetlágan birrasiin – ovdamearkan skuvllas dahje bálvalusain.

Sávvat, ahte oassálastit jerret gažaldagaid ja ovdan buktet sávaldagaid eahkeda fáttáin ovddalgihtii, jearahallamii sáhttá vástidit dákko. Jearahallamii vástiduvvo namaheapmin. Jearahallanskovi bokte sáhtát maiddái ovdan buktit ášši, mii smiehtaha du, muhto it hálit ahte dat gieđahallo eahkeda áigge. Deanuleagis sámástit -prošeavtta máŋggagielatvuođaáššedovdi vástida dutnje gažaldahkii šleađgapoasttain. 

Deanuleagis sámástit -prošeavtta giellarávvehaga máŋggagielatvuođaáššedovdi fállá rávvema áššiin, mat laktásit sámegillii ja máŋggagielatvuhtii. Giellarávvehat doarju ja nanne sámegiela ja máŋggagielatvuođa bearrašiin, institušuvnnain ja birrasis. Giellarávvehat veahkeha maiddái bálvalusaid lágideaddjiid gávdnat vugiid sámi giellalága ollašuhttima várás.

Gáiddusoahpahusa vánhemiideahket lágiduvvo giđđat 2022, muhto ávžžuhit fuolaheaddjiid váldit álkit oktavuođa prošeavtta bargiide, juos lea jearramuš dahje leat áššit, mat smiehtahit.

Lassedieđut:

Satu-Marjut Pieski
Prošeaktahoavda, Sámegielaid gáiddusoahpahusprošeakta
040 546 6514
satu.pieski@edu.utsjoki.fi

Anni-Sofia Niittyvuopio
Prošeaktakoordináhtor, Sámegielaid gáiddusoahpahusprošeakta
040 584 3098
anni-sofia.niittyvuopio@samediggi.fi

Henna Aikio
Anárašgiela diibmooahpaheaddji, Sámegielaid gáiddusoahpahusprošeakta
040 525 4013
henna.aikio@edu.utsjoki.fi