Turismafitnošeaddjit ja -doaibmit čoahkkanedje álggahit rájárasttildeaddji ovttasbarggu
5.6.2024
Mannan vahkus Cross Border Business Lab ordnii oktasaš seminára Norgga Buođggáide ja dohko čoahkkanedje sulaid njealljelogi turismasuorggi fitnošeaddji ja ovddideaddji Ohcejogas ja Avvilis sihke Nuorta-Finnmárkkus ja Kárášjogas. Dát seminára ordnejuvvui vuosttas geardde jahki dassái Ohcejogas.
Guovttebeaivásaš dáhpáhus lei oaivvilduvvon guovlluid turismafitnošeaddjiide ja guovlluid ovddideami njunušolbmuide. Ulbmilin lei fitnodatolbmuid rájárasttildeaddji fierpmádathuksen, vai fitnodatdoalliid gaskkas bohciidivččii guhkesáigge strategalaš ovttasbargu. Fierpmádathuksema bokte lea vejolaš gávdnat oktasaš ovddidanfidnuid ja fitnodatdoaibmanvejolašvuođaid.
Dáhpáhusa ordnenovddasvástádus dán jagi lea norgalaččain. Čáhcesullo gielddahoavda Wenche Pedersen ja Ohcejoga gielddahoavda Päivi Kontio celke oassálastiide buresboahtima.
Dáhpáhusa áigge gulaimet sihke Norgga ja Suoma sáhkavuoruid. Avinori ovddasteaddji Julianne Jensen muitalii girdi linnjájohtolaga ovddideamis. Áššehasaid boahtin davás girdiin lea guovddáš gažaldat sihke Suoma ja Norgga fitnodagaide. Maid fitnodagaid ovddasteaddjit muitaledje doaimmaset birra.
Nuppi beaivve fitnošeaddjit besse deaivvadeapmái, mas buohkat fitnošeaddjit besse deaivvadit nubbi nuppiiguin. Dánu láhččui vuođđu ovttasbargovejolašvuođaide. Dáhpáhusa loahpas oahpásmuvaimet gonagasreabbáfabrihkkii, gos lágidit Várjavuonas bivdojuvvon reappáid birra máilmmi.
Dáhpáhusa ordnedeamit ja prográmma lihkostuvve hirbmat bures. Fitnodatolbmot ledje hui duđavačča dáhpáhussii ja deaivvademiide. Duođalaš dárbu ovttasbargui orru leamen. Oktasaš buvtta- ja prográmmaollisvuođat jáhkkimis ollašuvvet boahttevuođas, ja ná dáhpáhus olahii juksanáigumušas.
Meahcástan -, guolástan- ja govvenmátkkiid lágideaddji Autentic Boreala fitnošeaddji Pekka Pikkujämsä lei dáhpáhusa sisdollui eanet go duđavaš. – Dáhpáhus lei bures ordnejuvvon ja ođđa ustibiid fidnii ollu. Dál go dovdá olbmuid, lea álki váldit oktavuođa ovttasbarggu nammii. Mii boahtit iežamet oasil joatkit ovttasbarggu huksema norgalaččaiguin.
Dán dáhpáhusa ordnemis fuolahedje Øst-Finnmarkrådet, Nordkyn, VisitKirkenes, Norske Parker ja Destinasjon Sápmi ja Ohcejoga gielda.
Maŋimustá deaivvadat fas jagi geahčen miessemánus, go goalmmát Cross Border Business Lab ordnejuvvo Ohcejogas 14.-15.5.2025.
Lassedieđut:
Eallinfápmohoavda Tanja Lepistö, 0400 151 294, tanja.lepisto@utsjoki.fi