Badjelaš 900 vuolláičállosa Ohcejoga seaŋgaossodaga ja gozihanbálvalusaid seailluheami bealis
8.8.2024
Ohcejoga gielda dáistala iežas seaŋgaossodaga seailuma bealis. Lapha seastindoaimmat leat doalvumin Ohcejogas eret gohcindoaimmaid virgeáigge olggobealde ja boahttevuođas dat dikšojuvvojit Avvilis dahje Lappi eará dearvvašguovddážiin.
Gielddas lea gárvvistuvvon átnumuš seailluhit buohccedivššárdási doaimma maiddái virgeáiggi olggobealde. Gieldda átnumuša leat vuolláičállán gielddaráđđehusa ságadoalli Väinö Guttorm, váldostivrra ságadoalli Arto Pohjanrinne ja gielddahoavda Päivi Kontio buot luohttámušolbmuid ja gieldda stivrenjoavkku bealis.
Maiddái gieldalaččat ožžo oassálastit átnumuššii ja vuolláičállit adreassa jogo neahtas dahje gieđain Gilidállu Giissás, Gilidállu Sáivvus, Ohcejoga dearvvasvuođaguovddážis ja giliid gávppiin. Adreassa lei rabas vahku.
– Buot buohkanassii adressii čálle namaset vahkus 908 olbmo, mii lea hui stuorra lohku min unna gielddas, illuda gielddahoavda Päivi Kontio. – Sávvamis lea, ahte Lapha stivra ádde min ássiid ja sin oapmahaččaid ja maid turisttaid fuola das, ahte bálvalusat sirdašuvvet menddo guhkás Ohcejogas.
Átnumuš doaimmahuvvo Lapha guovlostivrii bearjadaga 9.8.
Lassedieđut:
Gielddahoavda Päivi Kontio
040 744 7630
paivi.kontio@utsjoki.fi