Bures boahtin Davi Gievrramus gilvui lávvardaga 29.6.2024!
15.9.2023
Davi Gievrramus gilvu lea ordnejuvvon dál golbmii borgemánu álggus ja boahtte jagi gilvu lea sirdojuvvon geassemánnui. Gilvu ordnejuvvo lávvardaga 29.6.2024 Ohcejoga valáštallangiettis. Gilvaleddjiidčoahkkin dollojuvvo ovddit beaivve 28.6. ja ovdal čoahkkima sáhttá iskkadit šlájaid ovttas duopmárin.
Gilvu lea oaivvilduvvon fápmoalbmáide ja -nissoniidda, sidjiide geat astoáiggis buđaldit šlájain ja manin ii maiddái ámmátolbmuide. Gilvvu duopmárin lea guhká šlájain bargan Martti Kyrö.
Jagi 2024 šlájain leat tráktorjuvlla joraheapmi, farmavázzin, áksildeaddolokten, seahkalokten ja biila geassin báttiin. Luohkát leat albmát vuollel 95 kg ja rabas luohkká ja nissonat vuollel 65 kg ja rabas luohkká.
Buot oassálastit ožžot Davi Gievrramus -dávvira, lassin juohke luohká golbma buoremusa bálkkašuvvojit ruhta bálkkašumiin: 1. sadji 400 euro, 2. sadji 200 euro ja 3. sadji 100 euro.
Davi Gievrramus lea olles bearraša dáhpáhus, mas beasat čuovvut fiinna falástallanolahusaid ja gilvui movttáskemiid. Gilvvu oassálastit bohtet Ohcejoga gieldda lassin birra Lappi ja eará Suoma. Gilvobáikkis lea maid mánáide iežas dáhpáhus, mas áigi gollá olles beaivvi. Mánáiddáhpáhusa prográmma almmustahttojuvvo giđđat.
Loga eambbo min neahttasiiddus www.utsjoki.fi/davigievrramus
Ordnejeaddjin leat Ohcejoga gieldda asttuáiggedoaibma sihke Ohcejoga gievrrat ja Utsjoen Kuohu -searvvit.
Lassedieđut:
Asttuáiggečálli Kaisa Tapiola-Länsman, kaisa.tapiola-lansman@utsjoki.fi, 0400 319852
Gilvoteknihkalaš áššit: gilvvu duopmár Martti Kyrö, kyromartti@gmail.com, 0400 267 289