Ealáhusdoaimma ráva Ohcejoga fitnodagaide áššehasdorvvolašvuođas koronaepidemiija áigge
Ohcejoga ealáhusdoaimma ávžžuha ohcejohkalaš fitnodagaid, main leat unnimustá 15 minuhtasaš áššiid dikšumat dahje áššehasbálvalandilit, mearkut bajás kundariid oktavuođadieđuid ja galledemiid diibmoáiggiid.
Dieđuid galgá goittotge mearkut nu, ahte kundar diehtá, man dárkkuhussii su dieđut geavahuvvojit ja man guhká dat seailluhuvvojit. Dákkár doaibmavugiin lea vejolaš maŋŋelabbos jođálmahttit ja álkidahttit vejolaš koronavirusinfekšuvnnaid njoammunbálgáid guorrama ja njoammunvára vuollái gártan kundariid fáhtema.
Ovdamearkka dihte lunšaáiggi rehketkundarat sáhttet lasihit namaset maŋŋái diibmoáiggi, goas sii leat boahtán. Eará kundarat sáhttet čállit iežaset nama ja telefonnummira sierra skovvái dahje vaikkoba máksokuitte duogábeallai (dárkilis áigi gávdno kuittes). Bálvalusa buvttadeaddji sáhttá rádjat guđege beaivvi dieđuid konfaluhttii, giddet dan ja duššadit logi beaivvi geažes.
Fitnodagat ja fitnodatdoallit gávdnet sihkkarit alcceset buoremus ja heivvolamos vuogi doaibmat dán epidemiijadilis nu, ahte seammás gudnejahttet áššehasdorvvolašvuođa ja diehtosuoji.
Lassidieđuid ja printenmateriála gávnnat čujuhusas www.koronaturvallinenlappi.fi ja dieđuid Ohcejoga áiggedását dilis dáppe.