Gielddaráđđehus gieđahalai sajádatlávaid ja tonttiid haddemeroštallama

Ohcejoga gielddaráđđehus gieđahalai čoahkkimisttis 13.9. moanaid sajádatlávvaevttohusaid sihke tonttiid haddemeroštallama.

Ohcejoga gieldda eanapolitihkalaš prográmma lea gárvánan ja dan oktavuođas leat meroštallon maid doaibmanvuogit tonteluohpadeapmái ja prinsihpat hattiid bidjamii. Lea buorre bidjat áiggi dássái maid sajádatlávvejuvvon tonttiid hattiid vástidit dálá dili, dasgo ovddit geardde tontehattit leat nannejuvvon jagis 2018.

Gielddaráđđehus dohkkehii beaiváduvvon haddemeroštallama ja mearridii evttohit dan ain váldostivrii nannema várás.

Gielddaráđđehus dohkkehii Ohcejoga girkosiidda ja Gáregasnjárgga sajádatlávaid beaiváduvvon oassálastin- ja árvvoštallanplánaid, evttohusa ja vástádusaid ja bijai lávvaevttohusaid oaidninláhkai 30 jándora áigodahkii.

Gielddaráđđehus dohkkehii Áitesavvona sajádatláva lávvanuppástusa ja evttoha dan dohkkeheami ain váldostivrii.

Čoahkkima beavdegirji (pdf)

Lassediehtu:

Gielddaráđđehusa ságadoalli
Väinö Guttorm
040 503 1574
vaino.guttorm@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi