Juovlamánu dilli ÄRM (Fáhkkes ráhkadusnuppástus) -projeavttas

20.12.2021

Lea fas áigi geahčadit mánnosaš dili! Dán beaivádeapmái mii leat čoaggán dutnje daid projeavttaid diliid, mat leat ÄRM-álggahanprojeavttas plánema vuolde. Ná basttát álkit čuovvut projeavtta ovdáneami. Jos skábmamánu dili geahčadeapmi bázii dus fuomáškeahttá, de beasat dohko dás. Ja projeavtta birra gávdno diehtu dás.

Oassi joatkkaprojeavttain lea vel plánenmuttus, muhto muhtumat leat ovdánan juo ruhtadeaddjái, ja ožžon ruhtadeami. Joatkkaprojeavttat leat sierra muttuin, muhto barggildat buot projeavttaiguin, vai beassat álggahit buot min plánejuvvon joatkkaprojeavttaid nu jođánit go vejolaš. Joatkkaprojeavttaid dálá dilli lea čuovvovaš;

Fitnodatdoaibman, barggolašvuohta ja máhttin

  • Ohcejoga digitála eallinfápmu – uDigi
    • Ohcamuš gieđahallama vuolde, Lapin Liitto React, oktasašprojeakta ProAgria Lappiin. 16.12 2021 oaččuimet dieđu, ahte projektii juolluduvvo ruhtadeapmi. Projeakta álggahuvvo ođđajagimánus.
  • “Ohcejoga eallinfámolaš bálvalusat oktagaslaš skuvlen- ja rekryterenbálgáin” -projeakta
    • Projeakta lea čállima vuolde. Vuosttas ságastallandilálašvuohta lei 30.11. teams bokte.

Sápmelašvuohta, vásttolašvuohta ja buresveadjin

  • Sámi kulturárbbi nannen Deanuleagis
    • Ruhtadeapmi fitnašuvvan Leaderis. Projeavtta projeaktahoavdda rekryterema leat joatkán ja ohcanáigi nohká 3.1. Dás beasat ohcanalmmuhuss
  • Gieldda olbmuid ja fitnodatdoalliid buresveadjinprojeakta
    • Projeavtta plánen lea ovdánan ja joatkit barggu, vai beassat ohcat ruhtadeami nu jođánit go vejolaš.

Infra ja olahahttivuohta

  • Deanu sihkkelastingeinnodaga infra ja ovddideapmi
    • Dál eará projeaktaollisvuođaid plánemis sierra ollašuhttit ovdduidgohcinbarggu ja ohcat ovttas Lappi lihtuin stáhtas ruhtadeami Deanugeainnu (970) buorideami várás dan infra oasil, maid sihkkelastin dárbbaša, ja giliid geahppajohtolatgeinnodagaid huksema várás. Dán barggus vástida váldoáššis gielddahoavda Vuokko Tieva-Niittyvuopio.
    • Guovlogeaidnu 970 sihkkelastinprojeavttas dolle vuosttas rabas ságastallandilálašvuođa 25.11.(liŋkkas beasat muittuhančállagii). Dilálašvuođa maŋŋá lea báikkálaš fitnodatdoalliide sáddejuvvon jearahallan, mainna kártet báikkálaš fitnodatdoalliid beroštumi projektii. Jearahallama vástidanáigi nohká 22.12. Fitnodatdoalliiguin čađahat maiddái fitnodatguovdasaš ráđđádallamiid fáttá birra.
  • Ohcejoga ja Gáregasnjárgga eallinfápmodálut/-sajit
    • Plánen lea ovdánan ja projeakta lea válmmaštallanmuttus

Jos dus leat jurdagat mannu min joatkkaprojeavttas dahje hálidat vejolaččat gullat lasi, de bivdit leat oktavuođas midjiide. Vástidat mielas din gažaldagaide. Amma muittát maid geahčadit Ohcejoga gieldda fierbmesiidduid sihke ealáhusdoaimma Facebook-siidduid, dasgo almmuhat daid bokte sierralágan dilálašvuođain ja dáhpáhusain. Sávvat projeavttaid plánemii ja ollašuhttimii nu viiddis oktasašbarggu báikkálaččaiguin go vejolaš– Nu ahte čuovuthan min beaivádemiid!

Ja hei, fuomášitgo ahte 16.12. Ohcejoga gielda oaččui buriid ođđasiid, go ráđđehus mearridii doarjut gieldda ráhkadusnuppástusdili ja addit Lappi Lihttui 300 000 euro Ohcejoga suvdilis ealáhusdoaimma ovddideapmái. Dás beasat lohkat ášši birra lasi.

Miibat dát ÄRM-projeakta leige?

Ohcejoga gielddas álggahuvvui bargu giđđat 2021, daningo báikkálaš fáhkkes ráhkadusnuppástus lei dáhpáhuvvamin (ÄRM) koronapandemiija ja Deanu luossabivdogildosa dagahan vuorddekeahtes hástalusaid geažil. Dása laktásettiin gielda lea ožžon Lappi lihtus AKKE-ruhtadeami ÄRM-álggahanprojektii, mii dahká vejolažžan Ohcejoga fáhkkes ráhkadusnuppástusa doaibmabijuid jođánis álggaheami, man ulbmilin lea ovddidit guovllu ealáhuseallima ealáskeami ja ođasmuvvama. ÄRM-álggahanprojeakta doallá sisttis golbma temáollisvuođa (Fitnodatdoaibman, barggolašvuohta ja máhttin / Sápmelašvuohta, vásttolašvuohta ja buresveadjin / Infra ja olahahttivuohta), mat fas dollet sisttisteaset máŋggaid sierralágan projeavttaid. Váldde roahkkadit midjiide oktavuođa, jos hálidat gullat lasi!

Lassediehtu;

Eeva-Maarit Aikio
Ovddidan- ja ealáhushoavda
+358400 151 294
eeva-maarit.aikio@utsjoki.fi

Vuokko Tieva-Niittyvuopio
Gielddahoavda, Ohcejoga gielda
+358 400 933 754
vuokko.tieva-niittyvuopio@utsjoki.fi

Siiri Uino
Projeaktakoordináhtor
+358405442058
siiri.uino@utsjoki.fi


Eará ođđasat