Mátkkálaččaid rávvet reiset Ohcejogas vásttolaččat
16.11.2021
Vásttolaš turisma Ohcejogas -projeavttas leat biddjon návccat vásttolaš gulahallamii máŋgga sierra kanálain, vai gulahallan juvssašii nu máŋgasa go vejolaš. Stuorámus oassi projeavttas lea rávvet mátkkálaččaid doibmet guovllus vásttolaččat. Lassin projeavttas leat dorjon fitnodatdoalliid sin iežaset vásttolaš gulahallamis.
Vásttolašvuođasiiddut
Exploreutsjoki.fi -siidduide leat čohkkejuvvon projeavtta olis vásttolašvuođasiiddut . Fáttá leat geahččalan gieđahallat eará oaidninvugiid guovllus. Siidduide leage čohkkejuvvon diehtu báikkálaškultuvrras, rávvagat mátkkálaččaide ee. bohccuid fuopmášupmái váldimii sihke dorvvolaš ja vásttolaš vánddardeapmái. Lassin doppe gávdno diehtu Ohcejoga fitnodagaid vásttolašvuođas sihke mo vásttolašvuohta oidno boazodoalus. Siidduid boahtit jorgalit maid eaŋgalsgillii.
”Min ulbmilin lea ovddidit Ohcejoga vásttolašvuođa mátkebáikin. Okta oassi dás lea, ahte mátkkálaš livččii Ohcejohkii boađedettiin jo oahpásmuvvan sámekultuvrii ja máhtášii iežas doaibmamis váldit fuopmášupmái báikkálaš olbmuid ja ealáhusaid. ” dadjá projeavtta projeaktahoavda Sonja Sistonen.
Galbbaid ceggen
Mátkkálaččaid rávvet vásttolašvuhtii maid earet eará ceggemiin galbbaid. Girkosiidda lahkosiidda gárvvásmuvvi Luossabálgá galbbain gieđahallojit vásttolaš turismma fáttát. Galbbaid govaid sárgu govuheaddji, gráfalaš plánejeaddji Suvi Kari. Bearraša smávva mánáide lea maid álki lahkonit govuheami: govain fere vásttolaš, reisejeaddji njálla.
Sosiálalaš media, Some
Vásttolašvuođatemá oidno jeavddalaččat maid sosiálalaš media almmustahttimis. Ovdamearkka dihtii muittuhemiin bohcco gova oktavuođas bohccuid fuopmášupmái váldimis luonddus dahje rávvemiin, mo doibmet vásttolaččat ja dorvvolaččat Ohcejoga gielddas mátkkoštettiin.
Projektii oassálasti fitnodagat leat maid bukton ovdan. Varrasamosin juhkkojuvvui Instagramis projeavttas mielde leahki fitnodagaid oaidninvuogit, mat laktásit vásttolašvuhtii. Somes boahtit maid ordnet vásttolašvuođafáddái guoski vuorbádeami vai vásttolašvuođa turisma, Ohcejoga turisma ja máinnašuvvon projeakta lasiha oainnusvuođa ja oažžu fuopmášumi.
”Vásttolaš imago ii huksejuvvo beaivvis iige ovttas, fitnodatdoalliin lea dán barggus stuorra mearkkašupmi ja leamašge illudahtti oaidnit, man lahka váimmu vásttolašvuohta lea min fitnodatdoalliide” projeaktahoavda joatká
Skuvlemat, vásttolašvuođagulahallan.
Projektii oassálasti fitnodagaide leat ordnejuvvon skuvlemat ja bargobájit, mat laktásit vásttolašvuođagulahallamii. Oktiibuot gulahallanskuvlemat /bargobájit ordnejuvvojit golbma. Guokte vuosttasa leat ollašuhtton ja goalmmáda boahtit ordnet jagi 2022 álgogeahčen.
Skuvlemiin leat gieđahallojuvvon vásttolašvuođagulahallama eará oassesuorggit áiccalmahtti ovdamearkkaid ja ságastallamiid vehkiin. Skuvlemiin leat gieđahallojuvvon ee. Vásttolaš márkanastingulahallama ávkkit, hástalusat gulahallan reaidduiguin, sihke vásttolašvuođagulahallama sosiokultuvrralaš, ekologalaš ja ekonomalaš suorggit. Lassin skuvlemiin leat gieđahallon neahttasiidduid sisdoalu buvttadeapmi ja struktuvra, sosiálalaš media sisdoalloplánen, sihke čuovga- ja videogovvema vuođđoáššit.
Materiálabáŋkku čohkken Explore Ohcejohkii
Projeavtta mielde leat čohkkejuvvon govat ja videot materiálabáŋkui Explore Ohcejoga siidduid (neahttasiiddut, some) sihke projeavtta fitnodagaid atnui. Govvasisdoallu lea dahkkon temáin, mat laktásit Ohcejoga turismii ja govain leat iešguđege jagiáiggit. Govain buktojit ovdan maid projektii oassálasti fitnodagaid bálvalusat.
Vásttolaš turisma Ohcejogas -projeakta oanehaččat
Vásttolaš turisma Ohcejogas -projeavtta ulbmilin lea dahkat Ohcejogas ovdamearkkalaš vásttolaš turismma guovllu ja buoridit smávva- ja gaskastuorra fitnodagaid gilvonávcca vátnačitna ja vásttolaš čovdosiid, máhtu ja imago bokte. Projeavttas vuhtii váldo ekologalaš, sosiokultuvrralaš ja ekonomalašvásttolašvuohta. Lassedieđuid projeavttas gávnnat dáppe.
Lassedieđut:
Sonja Sistonen
+358 40 635 9277
Projeaktahoavda, Vásttolaš turisma Ohcejogas