Nuoraidbargoseđel ohcanláhkai
22.4.2024
Ohcejoga gielda doarju nuoraid bargguiduvvama maiddái dán jagi nu mo ovddit jagiidge. Gielda mieđiha nuoraidbargoseđela buot jagiin 2005–2009 riegádan skuvlalaččaide ja oahppiide, geat leat merkejuvvon Ohcejoga gieldda ássin. Maiddái bargosadji galgá leat Ohcejoga gieldda guovllus.
Nuoraidbargoseđela árvu lea 330 euro ja seđela sáhttá ohcat ohcanskoviin, mii gávdno gieldda siidduin. Nuorra sáhttá oažžut ovtta seđela jagi 2024 áigge, iige dan sáhte sirdit earáide. Nuoraidbargoseđel lea fámus dán jagi lohppii. Seđela galgá ohcat maŋimustá 1.10.2024.
Nuoraidbargoseđela ohcci nuoras galgá leat juo ohcanmuttus diehtu boahttevaš bargosajis, nappo skovi ii sáhte máhcahit almmá boahttevaš bargoaddi dieđuid.
Bargosadji sáhttá leat searvvis, fitnodagas, Ohcejoga gielddas dahje dállodoalus ruovttu olggobealde, ii goit iežas dahje lagašfuolkki ruovttus. Bargosadji sáhttá leat maid bearašfitnodagas, jos barggut eai leat bearraša ruovttubarggut.
Mieđihuvvon nuoraidbargoseđel postejuvvo nurrii ja bargi luohpada seđela bargoaddái maŋimustá dalle go bargogaskavuohta álgá. Nuoraidbargoseđela vástideaddji submi máksojuvvo bargoaddiide maŋálgihtii rehkega vuostá, jos buot seđela geavaheami guoski eavttut ollašuvvet.
Rávvagat sihke seđela ohcamii ja rávvagat fitnodatdoalliide nuoraidbargoseđela ruhtageavahančilgehusa birra gávdnojit gieldda siidduin: Nuoraidbargoseđel | Ohcejohka.
Lassediehtu:
Juhán Länsman
Ealáhusčálli
juhan.lansman@utsjoki.fi
+358 40 718 9494