Sámedikki ságadoalli galledii Ohcejogas

Govas Ohcejoga gielddaráđđehusa ságadoalli Väinö Guttorm, váldostivrra ságadoalli Arto Pohjanrinne, ságadoalli Pirita Näkkäläjärvi, gielddahoavda Päivi Kontio, prošeaktahoavda Piia Nuorgam ja veahkki Niina Siivikko.

Sámedikki ságadoalli Pirita Näkkäläjärvi galledii Ohcejogas 4.4. Galledeapmi lei vurdojuvvon. Beaiveboradeamis ságastalle máŋggaid áigeguovdilis áššiid birra, mat gusket Ohcejoga gieldda ja sámeguovllu.

Deaivvadeamis ságastalle mo ovddidit turismma ja mo heivehit oktii turismii gullevaš beroštumiid erenomážit ealáhusaid geahččanguovllus. Eanageavaheami hástalusaid galgá mátkeealáhusa ovddidanbarggus identifiseret, ja nu maiddái Deanu guolástannjuolggadusa váikkuhusaid Ohcejoga ekonomalaš dillái. Ovttas suokkardalaimet maiddái dan, mo plánejuvvon Luossaguovddáš ollašuhttošii.

Sámedikki ságadoalli nana signála lei, ahte Ohcejoga gieldda guldalit dál ja boahtteáigge, vai oktasaš beroštumit olahuvvojit. Ovdamearkka dihte sámegielaid gáiddusoahpahusprošeavtta ásaheapmi bistevažžan ja sámegielat sosiála- ja dearvvasvuođabálvalusaid sihkkarastin leat erenomáš dehálaš ulbmilat boahtteáigge.

Ságastallan lei hui buorre ja áigumuššan lea joatkit ovttasbarggu dás duohkoge.

Govas Ohcejoga gielddaráđđehusa ságadoalli Väinö Guttorm, váldostivrra ságadoalli Arto Pohjanrinne, ságadoalli Pirita Näkkäläjärvi, gielddahoavda Päivi Kontio, prošeaktahoavda Piia Nuorgam ja veahkki Niina Siivikko.