Buresboahtin gilieahkediidda gullat Sámi kulturárbbi nannen Deanuleagis -prošeavtta áigeguovdilis áššiin ja muitalit iežat sávaldagaid prošeavtta olis!
14.6.2022
Govva: KotaCollective
Sámi kulturárbbi nannen Deanuleagis -prošeakta lágida geassemánus buohkaide rabas gilieahkediid Ohcejogas, Gáregasnjárggas ja Njuorggámis.
Gilieahkediin muitaluvvo Deanuleagi luossabivdoárbevieru prošeavtta birra ja ságastallojuvvo ovttas das, mii lea dehálaš dákkár prošeavttas. Erenomážit sávvat goittotge gullat gieldda olbmuid oainnuid ja jurdagiid dahkkon ja plánejuvvon doaimmain, ja vejolaš sávaldagaid prošeavtta ektui.
Ulbmilin lea ahte Sámi kulturárbbi nannen Deanuleagis -prošeavtta boađusin Deanuleagi luossabivdoárbevierus čoggo iešguđet hámis vurkejuvvon, álkidit gávdnamis ja geavaheamis leahkki diehtu skuvllaid, turismma sihke eará čanastatjoavkkuid atnui.
Prošeakta earret eará vurke ja buvttada materiála Deanu luossabivdoárbevierus, čielggada vejolašvuođaid ásahit Ohcejohkii Deanu luossabivdokulturguovddáža, kárte dálá báikenammaráju, dievasmahttá dan dárbbu mielde ja čielggada heivvolaš ovdanbuktinvugiid dasa ja ordne ovttas Deanuleagis sámástit -prošeavttain (Interreg Davvi 2020–2022) ja gieldda asttuáigedoaimmain nuoraide oaivvilduvvon guolástan- ja medialeairra.
Váimmolaš buresboahtin gilieahkediidda:
- Njuorggámii, Njuorggáma skuvlla máŋggadoaimmalatnjii vuossárgga 20.6. dmu 18!
- Ohcejohkii, Ohcejohnjálmmi skuvlla máŋggadoaimmalatnjii maŋŋebárgga 21.6. dmu 18!
- Gáregasnjárgii, Gáregasnjárgga skuvlla máŋggadoaimmalatnjii gaskavahkku 22.6. dmu 18!
Dilálašvuođain lea káfestallan.
Lassedieđut:
Piia Nuorgam
Prošeaktahoavda
040 353 9264
piia.nuorgam@utsjoki.fi
Anni Ahlakorpi
Prošeaktabargi
040 571 9269
anni.ahlakorpi@utsjoki.fi
