Njukčamánu 2022 dilli Ohcejoga ÄRM-projeavttas – ođđa biekkat ja háhkamat!

Guovvamánnu lea jo mannan ja njukčamánnuge lea jo buorre muttus. Projeakta lea mielddisbuktán ollu ođđa biekkaid oppa Ohcejoga gildii sihke ÄRM-projektii! Dán geažil čoahkkáigeassu dili birra lea veháš maŋŋonan ja hui dárbbašlaš. (Psiiit. jos dus lea báhcán ovddit mánotbajiid čoahkkáigeasut dili birra logakeahttá, de gávnnat daid dáppe).

Njukčamánu loahpas molsašuvai Ohcejoga gieldda hoavda ja go Vuokko Tieva-Niittyvuopio sirdašuvai ođđa hástalusaid ollái, beassá Taina Pieski álggahit gieldda ođđa hoavdan. Dán lassin ealáhusdoaimmas leat dáhpáhuvvan, go gieldda ovddidan- ja ealáhushoavda Eeva-Maarit Aikio lea mearridan lávket ođđa hástalusaid fárrui ja lea barggus maŋimuš beaivve 1.4.2022. ÄRM -projeavtta stivrenjoavkku čoahkkin dollojuvvo velá 30.3, mas leage áigi jo ráhkadit hápmosa projeavtta  loahpparaporttas.

Vuolde leat logahallon ÄRM-projeavtta ovddiduvvon temát ja dan oktavuođas plánejuvvon projeavttaid áigeguovdilis dieđut ja ođđasat. Projeavttat ráhkadit ollisvuođa, mas ee. ovddiduvvojit eallinfápmobálvalusat, dorjojuvvojit fitnodagat nuppástusdilis ja ohccojit báikkálaš ja guovllulaš oktasašbargguin ođđa ovdánanvejolašvuođat ealáhusdoibmii. Nana temán leat fierpmáiduvvan sihke gulahallan.

Fitnodatdoaibman, barggolašvuohta ja máhttin -temá

• uDigi – Ohcejoga digitála eallinfápmu
  • Projektii lea juolluduvvon Lappi lihtu REACT-EU-ruhtadeapmi. Projeakta lea álgán 1.3.2022 ja dat ollašuhtto ovttas ProAgria Lappiin. Projeavtta oasseáigásaš projeaktahoavdan álggaha 1.4.2022 Johanna Mikkola. Projeavtta váldoulbmilin lea ovddidit ja digitaliseret eallinfápmobálvalusaid. Fina oahpásmuvvamin projektii buorebut dáppe.
• uYritys – Ohcejoga eallinfámolaš fitnodagat ja ja bargoveahka
  • Projektii lea EJB juolludan ESR-ruhtadeami. Projeavttas lea jođus bargiid háhkan ja projeakta álgá dalán go bargit leat fitnašuvvan. Projeavttas doarjut fitnodagaid jođiheami, bargoburesveadjima, háhkama ja máhtu nuppástuvvan dilis. Fina oahpásmuvvamin projektii buorebut, sihke projeavtta rabas bargosajiide dáppe.

Sápmelašvuohta, vásttolašvuohta ja buresveadjin -temá

• Sámi kulturárbbi nannen Deanuleagis
  • Projeakta lea álgán 1.2.ja dan jođiha projeaktahoavda Piia Nuorgam. Fina oahpásmuvvamin projektii buorebut dáppe.
• Gieldalaččaid buresveadjinprojeakta
  • Projeavttas leat dahkan oktasašbarggu ee. eará projeavttaiguin ja doaibmiiguin. Váldo- buresveadjinprojeakta ii leat ollašuhtton, muhto lea ee. ovddiduvvon Gáregasnjárgga ássiid asttuáigedoaibmansajiid oažžun.

Infra ja olahahttivuohta -temá

• Teno Outdoor – sihkkelastin ja luondduturisma Deanuleagis
  • Sihkkelastinprojeakta lea dál hápmašuvvan ja projeaktaplána lea sáddejuvvon ruhtadeaddjái Lappi lihttui AKKE ruhtarádjui.
    • Projeavtta ulbmilin lea ealáskahttit Deanuleagi fitnodatdoaimma vásttolaš turismii laktáseaddji bálvalanbuvttaollisvuođaiguin, váldodeaddu lea sihkkelastimis– ja luondduturismmas.
• Čielggadus Deanu infra ovddideapmin
  • Projeavtta vehkiin ollašuhtto čielggadanbargu, man vehkiin sáhttá ohcat sihkkelastinturismmainfra ollašuhttimii (guovllugeaidnu 970) ruhtademiid. Dál projeavtta birra lea čállinbargu barggu vuolde, vai dat fitnašuvvá ruhtadeaddjái velá dán projeavtta áigge.
• Ohcejoga ja Gáregasnjárgga eallinfápmodálut /-sajit
  • Gáregasnjárgga eallinfápmodálu plánen lea ovdánan, go báikkálaš geavaheaddjit leat dahkan erenoamáš barggu doaibmalanjaid geavaheami čielggadanbarggu várás. Plánat leat gielddas joatkkagieđahallamis.

Ráhkadusnuppástusa ollisvuođa koordineren

• Ohcejoga ráhkadusnuppástusa koordineren
  • Ráhkadusnuppástus oppalašvuođa koordineremii sihke boahttevuođabargui lea juolluduvvon Lappi lihtus AKKE ruhtadeapmi. Projeavtta projeaktahoavdda háhkan lea jođus. Fina oahpásmuvvamin projektii buorebut, sihke projeavtta rabas bargosajiide dáppe.

Jos mii nu áššiid  máinnašuvvon projeavttaid birra bohciidahttigođii jurdagiid, amma válddát midjiide oktavuođa. Vástidat mielas din gažaldagaide! Amma muittát čuovvut Ohcejoga gieldda fierbmesiidduid sihke ealáhusdoaimma Facebook-siidduid, dasgo dohko beaivádat álo áigeguovdilis dieđu, dego dieđu  projeavttaid bargosajiin, mat bohtet rabas. Dáppe beasat oahpásmuvvat ja ohcat rabas bargosajiide.

Mii ÄRM-projeakta?

Ohcejoga gielddas álggahuvvui ÄRM-bargu giđđat 2021, go gielda gárttai fáhkkes ráhkadusnuppástusa dillái koronapandemiija ja Deanu luossabivdogildosa dagahan vuorddekeahtes hástalusaid geažil. Dása laktásettiin gielda lea ožžon Lappi lihtus AKKE-ruhtadeami ÄRM-álggahanprojektii, mii dahká vejolažžan Ohcejoga fáhkkes ráhkadusnuppástusa doaibmabijuid jođánis álggaheami, man ulbmilin lea ovddidit guovllu ealáhuseallima ealáskeami ja ođasmuvvama. ÄRM-álggahanprojeakta doallá sisttis golbma temáollisvuođa (Fitnodatdoaibman, barggolašvuohta ja máhttin / Sápmelašvuohta, vásttolašvuohta ja buresveadjin / Infra ja olahahttivuohta), mat fas dollet sisttisteaset máŋggaid sierralágan projeavttaid. Fina oahpásmuvvamin projektii buorebut dáppe. Váldde maid roahkkadit midjiide oktavuođa, jos hálidat gullat lasi!

Lassidiehtu:

Eeva-Maarit Aikio (1.4.2022 rádjai)
Ovddidan- ja ealáhushoavda
+358 400 151 294
eeva-maarit.aikio@utsjoki.fi

Siiri Uino
Projeaktakoordináhtor
+358 40 544 2058
siiri.uino@utsjoki.fi