Ohcejoga gielddas jearahallat buresveadjinhoavdda virgái ohcan olbmuin guhtta
5.3.2024
Ohcejoga gielddaráđđehus mearridii čoahkkimisttis 4.3. buresveadjinhoavdda virggi ohcciin jearahallat guhtta ohcci. Buohkanassii virggi ohce 15 olbmo, geain okta gesii iežas ohcamuša ere.
– Mii leat duohta duđavaččat ohcciid mearrái ja erenoamážit ohcciid hárjánumi dássái, dasgo máŋgga ohccis lea máŋggabealat hárjánupmi čuvgehus- ja buresveadjinsuorggis ja jođiheamis, Ohcejoga gielddahoavda Päivi Kontio lea ilus. – Lea fiinnis, ahte Ohcejoga gielda lea beroštahtti bargoaddin.
Gielddaráđđehus mearridii bovdet jearahallamii guhtta olbmo: dearvvasvuođadiehtagiid magister Katja Croell, restonoma (bajit ámmátallaskuvladutkkus) Maarit Heinonen, lihkadanbagadeaddji (bajit ámmátallaskuvladutkkus) Tommi Kanala, lihkadandiehtagiid magister Marko Keskitalo, filosofiija magister Pirjo Seurujärvi ja musihka magister Virpi Veskoniemi. Gielddaráđđehus jearahallá ohcciid 18.3.2024. Áirasat ožžot searvat jearahallamiidda ovddeš vuogi mielde.
Čoahkkimis dohkkehuvvui Ohcejohnjálmmi boares, máttageaži skuvlavistti vuovdin. Gielda ii bija giddodahkii vuođđohatti. Vuovdimis geavahuvvo Huutokaupat.com -bálvalus.
Váldostivrra čoahkkima olles beavdegirjji sáhttá lohkat dárkkisteami maŋŋá min neahttasiiddus.
Lassedieđut:
Gielddaráđđehusa ságadoalli Väinö Guttorm, 040 503 1574, vaino.guttorm@utsjoki.fi
Gielddahoavda Päivi Kontio, 040 744 7630, paivi.kontio@utsjoki.fi