Ohcejoga ullosuohkkogilvvu vuoiti suohkku lea válljejuvvon

Ohcejoga ullosuohkkogilvui gođđe illudahtti  dáiddolaš ja ivdnás Ohcejohka-temá suohkuid. 10.4. nohkan gilvui bohte čieža suohkkobára, maidda gođđit ožžo ieža plánet ivnniid ja hearvvaid.

Olbmot jienastedje loahppagilvui golbma suohkkobára. Neahta bokte ja gilidállu Giisái bohte buohkanassii 593  jiena. Golbma eanemusat jienaid ožžon suohkkobára ledje suohkut 2, 5 ja 7, dáin suohkuin áššedovdiráđđi válljii vuoiti.

Áššedovdiráđđái gulle gielddahoavda Päivi Kontio, gielddaráđđehusa ságadoalli Väinö Guttorm, eallinfápmohoavda Tanja Lepistö, Ohcejohnjálmmi skuvlla duodjeoahpaheaddji Merja Vuolab, teknihkalaš doaimma kanslista Heidi Keskitalo, kanslista-arkiivadoalli Minna Lukkari ja prošeaktakoordináhtor Riikka Keskiaho.

Ráđi mielas fuomáša, ahte buot gođđit leat oamastan iežaset áššái, ja buot suohkuin oidno Ohcejohka. Vuoitin ráđđi válljii suohkkobára nummir 7. Das oidnojit govvan ollu Ohcejohkii mihtilmas áššit: guovssahasat, muohta, girkostobut, boazu, buođđoreŋko, luossa ja fierbmi. Fierbmegovus hearva lea dovddus Ohcejoga hearvafáhcain. Suohkuin lea maid guovtte sierra gillii Ohcejoga gieldda namma, muittuheamen geavaheaddji Ohcejoga birra.

Vuoitán suohkkobára gođii Eila Tapiola Anáris, son lea Ohcejogas eret. Son muitalii, ahte háliidii suohkuinis ovdanbuktit Ohcejoga luonddu. Boazu ja luossa bođii suohkuide, daningo dat leat guhká buktán ealáhusa ohcejohkalaččaide. Girkostobut bohte suohkuide, daningo dat leat Ohcejogas okta hárvenaš huksejuvvon oaidnámuš.

Lihkku vuoitái ja giitu buohkaide geat oassálaste gilvui!