Ohcejoga gielda oaččui ruhtadeami fáhkkes ráhkadusnuppástusas ceavzimii
27.6.2024
Ráhkadusnuppástusa koordinašuvdna Ohcejogas -projeakta oaččui Lappi lihtus miehtemielalaš ruhtadanmearrádusa.
Luossabivdogildosis álgán ráhkadusnuppástusas eai leat vel lihkostuvvan ceavzit Ohcejogas. Ovddit ráhkadusnuppástusprojeavttaid vehkiin gielddas lea gárvvistuvvon guhkás boahttevuhtii váikkuheaddji doaibmaplána, mainna fáhkkes ráhkadusnuppástussii vástiduvvo. Plána ollašuhttin gáibida eallinfápmobargui lasseresurssaid, mat dál dán projeavtta bokte fitnašuvvet.
Gieldda eanemus mearkkašahtti hástalusat leat geahppáneaddji olmmošlohku, vátnivuohta ámmátolbmuin sihke dálá fitnodagaid máhtu buoridandárbu. Lassin gieldda dovddusvuođa ja oinnolašvuođa buorideapmi gáibida lassebarggu, vai gielda birgešii gilvvus oažžut ámmátolbmuid ja ođđa ássiid gildii. Ođđa ássiid ásaiduvvama váttásmahttá gieldda heajos viessodilli.
Projeavtta ulbmilin lea ollašuhttit doaibmaplána, mii lea gárvvistuvvon Ohcejoga fáhkkes ráhkadusnuppástusas ceavzima várás. Oaivilin lea ovddidit ođđa fitnodatdoaimma šaddama ja dálá fitnodatdoaimma ođđasit linjema ja ovdáneami nannemiin fierpmádatoktasašbarggu. Ulbmilin lea doarjut erenomážit fitnodagaid ja sierra čanusjoavkkuid gaskasaš oktasašbarggu. Viessodili geahččalit ovddidit gielddas, nu maiddái miellagova Ohcejoga gielddas bargoaddin. Gieldda dovddusvuođa geahččalit lasihit turismma ja bargguiduvvama ektui.
Lappi lihttu juolludii ruhtadeami Guovlluid suvdilis ovdáneami ja eallinfámu doarjun (AKKE)
-mearreruđas báikkálaš fáhkkes ráhkadusnuppástussii. Ollesbušeahtta lea 116 000 euro, mas Lappi lihtu oassi lea 80 % ja Ohcejoga gieldda 20 %. Projeakta čađahuvvo 1.9.2024 – 31.1.2026.
Projeavtta doaibmabijuin dieđihuvvo dárkilabbot čakčamánus, go projeakta álgá.