Váldostivra dohkkehii čoahkkimis 10.6. investeremiid ovddideami várás
11.6.2024
Ohcejoga váldostivra gieđahalai giđđabaji maŋimus čoahkkimis 10.6. guhkes listtu mielde gieldda ovddideami dáfus dehálaš áššiid.
Turismma master plan lea ovdánan ulbmildássái. Váldostivra dohkkehii Ohcejoga turismma kvantitatiivvalaš ja kvalitatiivvalaš mihtuid jagi 2035 rádjai. Master plan gárvána ja boahtá mearrideaddjiid beavddi ala čakčat. Vuosttas geardde čállojuvvon gieldda eanapolitihkalaš prográmma dohkkehuvvui. Prográmmas máinnašuvvon Buolbmátjávrregeainnu laktáseaddji doaimmaid birra jienastuvvui, muhto Buolbmátjávrregeainnu sihkkun prográmmas vuoittáhalai jienasteamis (6-6) ságadoalli jienain. Áirras Vesa Länsman háliidii beavdegirjái merkejumi, ahte ovddidandoaimmaid plánedettiin áššis galgá gulahallat bálgosiin.
Lassemearreruhta Hárremahčohka ja Ohcejoga Áilegas-duoddara bálgáid huksema várás dohkkehuvvui. Álgoálggus dáid galggai ollašuhttit prošeaktaruhtademiin, muhto ruhtadeaddji nuppástuhtii ohcaneavttuid gaskan proseassa, iige prošeaktaruhtadeapmi juolluduvvon bálgáid ovddideami várás. Váldostivra ságastalai álgagin gieđahallon agibeaifáttá birra nappo mohtorgielkáluotta birra Ohcejoga ja Gáregasnjárgga gaskii. Dán áššis lea digaštaddan guhká. Eallinfápmohoavda Tanja Lepistö almmuhii, ahte go fal turismma master plan gárvejuvvo čakčat, de bargu joatkašuvvá Ohcejoga geinnodagaid plánemiin. Dalle geahčadišgoahtit ođđasit maid gielkáluottaid ja Gáregasnjárgga bálgáid. Turismma dáfus váldostivra dohkkehii maid lassemearreruđa turismarávvema buorideami várás iešguđet gilis.
Čoahkkima loahpas Päivi Kontio geardduhii oanehaččat giđa doaimmaid gielddas ja giitalii sihke luohttámušolbmuid ja gieldda bargiid ja stivrenjoavkku buori ja áššiid ovddideaddji ovttasbarggus
Čoahkkima beavdegirji gávdno dáppe.
LASSEDIEĐUT:
Gielddastivrra ságadoalli Arto Pohjanrinne
040 770 3986
arto.pohjanrinne@utsjoki.fi
Gielddahoavda Päivi Kontio
040 744 7630
paivi.kontio@utsjoki.fi